Atentat në mes të Athinës! Ekzekutohet me mbi 90 plumba mafiozi 44-vjeçar, momenti kur atentatorët i 'shpartallojnë' makinën me plumba (VIDEO-FOTO-EMRI)

Kanë dalë pamjet që tregojnë momentin e ekzekutimit të mafiozit grek, Vangjelis Zabunis në qendër të Athinës. Në pamje, duket 44-vjeçari teksa hyn në makinën e parkuar, ndërsa menjëherë më pas afrohet makina e autorëve. Autori del nga makina dhe qëllon dhjetëra herë drejt Zabunis nga dritarja e makinës së tij. I pamëshirshëm, një nga ekzekutuar hap derën e makinës dhe vazhdon të qëllojë sërish, për të qenë më se i sigurt se viktima ka vdekur.

Policia greke ka hapur portbagazhin e BMW-së Vangjelis Zabunis, i cili u ekzekua në Athinë gjatë orëve të para të mëngjesit të së dielës.

Nga grupi hetimor thanë se në automjetin e viktimës u gjet një automatik kallashnikov me dhjetëra fishekë.

Ndërsa në trupin e viktimës u gjet edhe një pistoletë Glock. Vangjelis Zabunis nuk mundi t’i përdorë armët dhe t’i shpëtojë atentatit.

Mbi 80 plumba janë zbrazur ndaj 44-vjeçarit Vangjelis Zabunis nga të paktën 3 persona, në një atentat që tronditi të gjithë opinionin publik grek për nga egërsia e ekzekutimit.

Pak minuta pas krimit, policia gjeti në dalje të Athinës dhe një mjet të braktisur, i cili mendohet të jetë përdorur nga autorët. Brenda tij u gjetën dy automatikë kallashnikovë dhe një pistoletë.

Vangjelis Zabunis ishte një ndër eksponentët më të rëndësishëm të mafies greke. Në vitin 2018, ai i shpëtoi një atentati  vetëm pasi autorit iu bllokua arma.

Zubunis ishte arrestuar disa herë dhe ishte në krye të listës së të dyshuarve për disa sulme ndaj bandave të tjera. Ai merrej me kontrabandë karburantesh, pijesh alkoolike si dhe gjobëvënie.

Policia deklaron se Vagjeli Zubunis u ekzekutua nga vrasës me pagesë, teksa ka rrethuar një pjesë të madhe të kryeqytetit me qëllim identifikimin dhe kapjen e tyre.

Vangjelis Zampounis

Të tjera detaje dalin në dritë nga ekzektutimi i Zabunis, mafiozit grek që u ekzekutua gjatë natës në Athinë. Vangjelis Zampounis, 44-vjeçari mafioz, ishte një nga emrat më të njohur në skenën e mafias dhe krimit. Ai njihej me pseudonimin Zabunis.

Ai ishte akuzuar si drejtues i një grupi zhvatësish, por edhe për disa vrasje, për të cilat nuk u gjetën prova. Ndaj tij pati një tjetër atentat në vitin 2018 në Pire, por arriti të mbijetonte, pasi i kishte ngecur arma autorëve, por edhe falë ndërhyrjes së policisë, e cila i dha ndihmën e parë.

Po ashtu, ai akuzohej si ekzekutori i bandës së vëllezërve Vlastos, të vrarë njëri një burg dhe tjetri me atentat të ngjashëm me këtë të sotmin. Zabunis tentoi ti bënte atentat gjykatëses që po gjykonte vllezërit Vlastos në 2012 por ngjarja u shmang falë ndërhyrjes së policisë, raporton Protothema. 

Pak pas orës 02:00, autorët i janë afruar makinës së 44-vjeçarit, e cila ishte e parkuar përballë karburantit në pronësi të tij, në kryqëzimin e rrugëve Frantzis dhe Ilias Ilios dhe e kanë qëlluar me kallashnikov. 44-vjeçari ra i vdekur në tokë, ndërsa makina e tij u bë shoshë nga të shtënat.

Autorët dyshohet se e dinin programin që po ndiqte viktima dhe e qëlluan atë derisa u siguruan se nuk do të kishte asnjë shpresë për të shpëtuar. Sipas informacioneve, në xhipin e përdorur nga autorët kanë qenë të paktën tre persona, ndërsa në vendin e ekzekutimit policia ka gjetur 81 gëzhoja.