Është shoqëruar në policie Safet Bajri. Sipas burimeve për Report Tv, ai është ndaluar me një makinë të blinduar teksa po lëvizte në zonën e Lezhës dhe është dërguar menjëherë në komisariatin e Shkodrës. Bajri është shoqëruar për tu marrë në pyetje në lidhje me ngjarjen e pak ditëve më parë në Bushat, ku u qëllua me breshëri plumbash në një mjet të blinduar ‘Audi’, por nuk pati të lënduar.
Por avokati i tij Sokol Tahiraj, thotë se Safet Bajri është shoqëruar për një verifikim e më pas është lënë i lirë.
‘Dua të ritheksoj se nuk ka lidhje me atentatin dhe as me shënjestrën e atentatit dhe asnjë person të person të përfshirë në këtë atentat.’- tha Tahiraj në një reagim për gazetarët, duke përgënjeshtruar lajmin.
![]()
Për ngjarje policia ka shpallur në kërkim dy vëllezërit Andrea e Aleksandër Prendi nga Bushati, ndërsa në kërkim burime thonë se është edhe kushëriri i tyre.
Të paktën dy persona mendohet të kenë qenë brenda Audit të blinduar, kur ndaj tyre është qëlluar me breshëri kallashi. Për shkak të hetimeve, blutë e Shkodrës nuk bëjnë me dije identitetin e personave ndaj të cilit ishte planifikuar atentati, por dyshohet se në mjetin e blinduar ishte dhe një personazh i botës së krimit i shpallur në kërkim. Ndaj dy vëllezërve rëndon akuza e “Vrasjes me paramendim” mbetur në tentativë dhe “Mbajtjes pa lejë të armëve të zjarrit”.
Dyshohet se mes dy grupeve ka pasur edhe shkëmbim zjarri, pasi në automjetin e vëllezërve Prendi janë gjetur gjurmë plumbash, çka ka ngritur edhe dyshimet për shkëmbim zjarri. Sipas mediave online, besohet se njëri nga vëllezërit Prendi ka qëlluar me automatik, duke lëvizur me një motor. Ndërsa dy persona të tjerë kanë lëvizur me një automjet “BMW” e cila më pas është gjendur nga policia i braktisur.
Ndërkohë, dy personat që lëviznin me Audin me targa gjermane nuk kanë pësuar asnjë dëmtim. Policia është e rezervuar në dhënien e informacioneve, ndërkohë që dy personat brenda Audit, të cilët i ka identifikuar, nuk i përmend as si persona në kërkim as të ndaluar, çka lë dyshime që edhe ata të kenë braktisur në rrugë Audi-n, e të jenë larguar, me një tjetër automjet që dyshohet se e kishin për mbështetje.
Burime jo zyrtare thonë personat me Audi po shkonin tek vëllezërit Prendi për një konflikt të dyshuar mes tyre, por janë pritur me armë zjarri.
Lajm në përditësim...
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Takim me B N nlezhe dmth
PërgjigjuBen noka aa
Ben Ndoka nuk eshte ne Lezhe e ska ma fuqi. Edhe per me vra Bamin u desh me e nimu dhendri injorant i tij.
Sa pun paska peshkimi ne shkoder dy blinda per nje jav me peshkim bravo besoj jà Kan ktbyer prap nlindin mbrapsh do e ket me leje peshkatar bisnes eshte
PërgjigjuPo përsonat me audi të blinduar pse nuk janë shpadhur në kërkim? Pse policia e Shkodër janë një me to të audit!
Përgjigjudit e numrume i ke
PërgjigjuShko pi bravo e ha kikirike
sma merr mendja
Safeti nuk ka qene ne Rranxa hic fare ate nate. Ne ate ore ai del me nje varke te vogel per te peshkuar ne liqen. Dhe te mos harrojme qe Safeti per te dale nga burgu i ka premtuar drejtesise qe nuk do merret me me krim.
Përgjigju