SLLOVAKI- Kryeministri sllovak Robert Fico nuk është më në rrezik për jetën, pasi u qëllua disa herë në qytetin Handlova. Kështu thotë zv.kryeministri Tomas Taraba për BBC, duke shtuar se operacioni ka shkuar mirë dhe se “unë mendoj se në fund ai do të mbijetojë".
Mjekët e spitalit thanë se gjendja e Ficos është stabile, por “serioze” për shkak të dëmtimeve delikate që ka pësuar. Taraba shtoi se kryeministri u qëllua "nga shumë afër" dhe se "një plumb kaloi në stomak ".
"Me sa di unë, operacioni shkoi mirë dhe mendoj se në fund ai do të mbijetojë," tha Taraba.
Kryeministri sllovak kishte shkuar të mërkurën e 15 majit për të zhvilluar një takim me mbështetësit e tij, ku u qëllua me 4 plumba, në gjoks, stomak dhe gjymtyrë dhe në arterie. Ai u dërgua menjëherë në spital ku i është nënshtruar një operacioni, ndërsa autori i plagosjes, një 71-vjeçar, Juraj Cintula, është vënë në pranga.
Ministri i Brendshëm Matus Sutaj Estoka e përshkroi si një atentat të motivuar politikisht.
Fico ka qenë prej kohësh një figurë e diskutueshme në Sllovaki dhe më gjerë, dhe kthimi i tij në pushtet vitin e kaluar me një mesazh pro-rus, anti-amerikan ngjalli shqetësime edhe më të mëdha mes anëtarëve të tjerë të Bashkimit Evropian.
Qeveria e tij ka bllokuar dërgesat e armëve në Ukrainë dhe kritikët druajnë se kjo do ta shtyjë Sllovakinë – një vend i NATO-s me 5.4 milionë banorë – të braktisë kursin e saj properëndimor dhe të ndjekë gjurmët e Hungarisë së Orbanit.
Mijëra njerëz dolën në rrugë në të gjithë vendin për të protestuar kundër politikave të tij. Sulmi vjen pasi fushata politike nxehet tre javë para zgjedhjeve evropiane dhe ka shqetësime në rritje se populistët dhe nacionalistët mund të fitojnë një pozicion të spikatur në bllokun 27-vendesh.
“Një sulm fizik ndaj kryeministrit është, para së gjithash, një sulm ndaj një personi, por është gjithashtu një sulm ndaj demokracisë,” tha presidentja në largim Zuzana Caputova, rivalja politike e Ficos. "Çdo dhunë është e papranueshme. Retorika e urrejtjes që kemi dëshmuar në shoqëri çon në veprime urrejtjeje. Ju lutemi, le ta ndalojmë atë."
Presidenti i sapozgjedhur Peter Pellegrini, një aleat i Ficos, i quajti të shtënat "një kërcënim të paprecedentë për demokracinë e Sllovakisë.
Lajme të tjera
-
Kryeministri holandez Mark Rutte pritet të jetë kreu i ardhshëm të NATO-s, Hungaria dhe Sllovakia heqin veton ndaj tij
18 Qershor, 23:07 -
Euro 2024/ VAR 'ngrin' Lukakun dhe Belgjikën, Sllovakia fiton 0-1 në Grupin E
17 Qershor, 20:00 -
Shfaqet për herë të parë në publik pasi u plagos rëndë, kryeministri sllovak ka një mesazh për atentatorin
5 Qershor, 20:08 -
U plagos me 4 plumba, kryeministri sllovak Robert Fico lë spitalin pas dy javësh
31 Maj, 09:22 -
Iu bë atentat, kryeministri sllovak jashtë rrezikut për jetën
19 Maj, 14:26 -
Arrestohet një person në Serbi, kërcënoi me jetë presidentin Aleksandër Vuçiç
18 Maj, 13:17 -
Kryeministri sllovak i nënshtrohet një operacioni tjetër, në gjendje të rëndë shëndetësore
17 Maj, 14:44 -
Ndikimi i plagosjes së kryeministrit Fico në zgjedhjet e qershorit në BE
17 Maj, 07:51 -
Atentanti kundër kryeministrit sllovak, sulm me parahistori
16 Maj, 13:49 -
U plagos sot në atentat, Kush është Robert Fico, Profili i kryeministrit sllovak, mik i Putinit, populist ksenofob dhe No Vax
15 Maj, 20:02 -
DOSJE/ Liderët politikë që u vranë apo u bënë pre e sulmeve të armatosura ndër vite
15 Maj, 17:56 -
Sllovaki/ Atentat Kryeministrit Robert Fico, në gjendje të rëndë për jetën! Arrestohet autori, një poet në pension! VIDEO e sulmit
15 Maj, 15:33
