SHKODËR- I dyshuar se është Ibrahim Lici, personi ende enigmatik që mbeti i plagosur në masakrën e Dobraçit e që mendohet të ishte shënjestra kryesore e atentatorëve, mund të ketë lëvizur nga Shkodra drejt jugut të vendit, për të marrë mjekim.
Mbi këto dyshime policia ka ushtruar kontrolle në klinika private dhe jo vetëm, në qarqet Vlorë dhe Fier, por deri më tani nuk kanë rezultuar të suksesshme për të gjetur të tretin që ndodhej në makinë me Hamza Licin dhe Arlind Bushatin, të vrarë në atentat në lagjen e Bajrave, grupit rival të Licajve.
Prej tij policia ka në dorë vetëm disa imazhe nga kamera amatore menjëherë pasi autorët ende të paidentifikuar lëshuan breshëri plumbash ndaj makinës “S Class”, ku në timon ishte vëllai i Ibrahimit, Hamza Lici, e pasagjer djali i ish-kandidatit për kryetar bashkie, Xhemal Bushatit. I dyshuari si Ibrahim Lici shfaqet në gjendje shoku me gjurmë gjaku pranë trupit të vëllait të pajetë.
Hetuesit dyshojnë se personi që mendohet të jetë i kërkuari i drejtësisë për vrasje, Ibrahim Lici, të ketë marrë 2 plumba e të jetë mjekuar fillimisht në shtëpi, por më tej nevoja për specialist, mund ta ketë detyruar të marrë rrugën për në jug të vendit, duke qenë se në zonat pranë Shkodrës mund të identifikohej lehtë. Kontrollet në klinikat private në Shkodër nuk zbuluan asgjë, çfarë çoi grupin hetimor në zgjerim të rrezes deri në qarqet Vlorë dhe Fier.
Përgjigjet e provave biologjike në vendin e ngjarjes do të saktësojnë dilemën e madhe, nëse në makinën e atentatit ishte apo jo Ibrahim Lici, në kërkim për vrasjen e Endri Mustafës, në maj 2022.
Prej ditësh grupi hetimor është i rezervuar në dhënien e detajeve të hetimit, çka nënkupton shpresën për sigurimin e provave për të ngritur akuzë për ekzekutorë dhe porositës të mundshëm. Policia dhe Prokuroria e Shkodrës ndërkohë po vijojnë hetimet në mënyrë intensive për zbardhjen e ngjarjes, me pistë kryesore atë të hakmarrjes. Makina “Range Rover Sport” e vjedhur në Durrës dhe e përdorur në atentat është një pikë ku hetuesit janë përqendruar për gjurmimin e hajdutëve, të cilët mund të kenë lidhje direkt me atentatin.
Si ndodhi atentati në Shkodër?
Masakra me 4 të vrarë dyshohet se u krye nga dy qitës, një i tretë në rolin e shoferit dhe i katërti që i largoi nga vendi ku makina luksoze u shkrumbua. Atentatorët i dolën paralel makinës “S Class”, duke hapur zjarr për dhjetëra metra, duke lënë të vdekur Licin dhe Bushatin, ndërsa çifti Basha që lëvizte me motoçikletë u goditën nga makina e autorëve, pasi humbi kontrollin nga breshëria e plumbave. Bashkim Basha humbi jetën në spital 4 ditë pas atentatit.
Ndërkohë, Izmir Sakicaj, 23 vjeç, dhe Samuel Troshani, 24 vjeç, po kërkohen nga Policia e Shkodrës. Burime pranë grupit hetimor thonë se bashkë me ta, janë në kërkim edhe anëtarë të tjerë të grupit të Bajrajve, pasi dyshohen se mund të kenë qenë në rolin e organizatorit dhe ekzekutorëve, por deri tani nuk janë gjetur.
Komente
Lajme të tjera
-
Shkodër/ Mjeti del nga rruga dhe merr flakë, në të udhëtonte familja me 4 persona, transportohen në spital
8 Nëntor, 12:40 -
Shkodër/ Regjistroi banesën në emër të tij me dokumente të falsifikuara, babai kallëzon djalin në polici
8 Nëntor, 11:31 -
‘Metamorfoza’, GJKKO kalon për gjykim dosjen e Pëllumb Gjokës e 6 të tjerë
8 Nëntor, 10:36
-
Atentati me 4 viktima në Shkodër/ 'Mes autorëve dhe viktimave pati shkëmbim zjarri', del ekspertiza e makinës së Hamza Licit
7 Nëntor, 15:51 -
Shkodër/ Shtëllunga të zeza tymi dhe flakë, përfshihet nga zjarri magazina! Pamjet nga vendngjarja
7 Nëntor, 11:02 -
Atentati me 4 viktima në Shkodër, 1 minutë heshtje në mbledhjen e Këshillit Bashkiak
6 Nëntor, 17:55 -
Pamje nga kamerat e sigurisë/ Si u vodh 'Range Rover Sport' që u përdor në atentatin e Shkodrës
5 Nëntor, 14:34 -
Dha dorëheqjen si kryebashkiak i Shkodrës? Reagon Benet Beci: Dhashë në SPAK sqarimet që mu kërkuan! Kush do, të merret me llafe
5 Nëntor, 11:15
-
Atentati në Shkodër/ Dëshmia e Mustafa Licit: Djalin e kisha besimtar, falej 5 herë në ditë. Me Arlind Bushatin ishin shokë të ngushtë, i vranë kot
5 Nëntor, 10:01
-
Benet Beci reagon me ironi pas raportimeve se ka dhënë dorëheqjen si kryebashkiak i Shkodrës
4 Nëntor, 22:40 -
Vjeshta në Lepushë dhe Vermosh, pamje mahnitëse nga fshatrat turistikë mes Alpeve! Pronarët e bujtinave: Kemi turistë, por s’ka kush u shërben
4 Nëntor, 15:16
-
Atentati në Shkodër/ Makina e djegur e autorëve u vodh në prill në Durrës! Dyshime se Ibrahim Lici u plagos! Kontrolli në klinika private pa rezultat
4 Nëntor, 11:16
Mbeturina te dyja palet e konfliktit. Gjobaxhinj vs killera.ushkrifshin te dyja palet e I marrshin te gjithe me shqiperi me ked qe I Ben keq njerezve te thjeshte. U shkrifshin te ter mostrat halabake qe Po vdesim nga pak ne kete vend te gjithe. Edhe ju o politike me cka keni u shkrifshi SI keto. Qe se bet kete komb kurre. Kaus dhune drove mbollet ne vend te mbillnit dashuri respect arsimim. U shkrifshi ju qe e doni kete komb mesjete me cfare keni e cfare doni u shkrifshi.
PërgjigjuTurp ka 2 jave qe eshte bere atentati dhe akoma policia ska dale ne deklarate kush eshte personi i trete.A ka shenja gishtash ne makine ky njeri apo ishte i padukshem
Përgjigjupo si ka mundsi tesh 2 jave me video e me njolla gjaku hala policia "dyshohet se eshte filani"?? turp ne cfar vendit jetojme
PërgjigjuDasht i madhi Zot e run ku do te jet se eshte djal trim e i beses
Përgjigju