Operacioni për heqjen e dhjamit i mori jetën një modeleje braziliane, sipas mediave vendase. Pamela Nascimento 27-vjeç ishte bërë e njohur për publikun e vendit me 190 milionë banorë nëpërmjet shfaqjes së saj në disa televizione, në lojra të ndryshme publike.

Sipas autopsisë u bë e ditur se gjatë kryerjes së operacionit të njohur ndryshe si liposuksion, ajo pësoi një çarje në veshkë dhe si rrjedhojë pësoi një hemoragji të brendshme. Ajo shkaktoi një goditje hipovolemike, siç njihet në mjekësi fenomeni i ndalimit të zemrës, si rrjedhojë e mospasjes së mjaftueshme të gjakut për të pompuar.

Më parë, 27-vjeçarja i ishte nënshtruar edhe dy herë të tjera kësaj ndërhyrje kozmetike.

(ad.ti/shqiptarja.com)