Opozita kërkon që presidenti i ri të zgjidhet me konsensus dhe pa ndarje politike. Në përgjigje të ftesës së kryetarit të grupit Parlamentar të Partisë Socialiste për negociata për emrin e kandidatit për president të vendit, Fatmir Mediu, propozoi që opozita të përfaqësohet si një trupë e vetme, dhe jo të ndarë, duke përfshirë këtu edhe LSI-në, në mënyrë që ti japë seriozitet procesit të zgjedhjes së kreut të shtetit. Kryetari i Partisë Republikane, theksoi se këtë ja ka bërë të ditur edhe Enkelejd Alibeajt, kryetar i grupit parlamentar të PD-së.
‘Është e nevojshme që presidenti të zgjidhet me konsensus. Procesi qesharak dhe populist që dëmton rëndë rolin e presidentit të Republikës. Këtë qëndrim që kam parashtruar jam kam bërë të qartë edhe Alibeajt, nuk është interesi se çfarë përfaqësojmë. Është e rëndësishme duke nisur edhe nga praktikat e mëparshme të kemi një trupë të përbashkët përfaqësuese që ti japi seriozitet procesit. Nëse do të nisim me një proces të njëanshëm do të kishim një proces të njënashmë të gjithë duhet të mendojmë përtej.’- tha Mediu.
Por vetë Alibeaj si propozimit të Mediut për të qenë një opozitë e unifikuar në procesin e zgjedhjes së presidentit të ri por edhe për festën që Taulant Balla i bëri në emër të PS për të zhvilluar konsultimet, Alibeaj tha se do të konsultohet me grupin parlamentar të PD për të dalë më një qëndrim dhe më pas për të diskutuar për procedurat që do të ndiqen. Nesër në orën 16:00 Alibeaj do të mbledhë grupin parlamentar.
Alibeaj tha gjithashtu se emri i presidenti të ri nuk duhet të zgjidhjet me një shumicë të thjeshtë edhe pse mazhoranca i ka votat për ta bërë.
“Dhe zgjedhja e presidentit ne raundin e 4 dhe te 5 me shumicë të thjeshtë nuk duhet të ndodhë. Do jetë grupi i PD që do të mbajë qëndrimin e tij, do të konsultohem me grupin”, tha Alibeaj.
Nesër, PS-ja do të nis negociatat me opozitën. Grupi i mandatuar i përbërë nga Taulant Balla, Elisa Spiropali dhe Damian Gjiknuri, ku nesër do të zhvillojnë takimin e parë me opozitën parlamentare. Nga PD-ja do të takohet me Enkelejd Alibeajn, që njohin si kreun e PD-së, Mesila Dodën nga Demokracia për Integrim (8 deputetë) dhe Fatmir Mediun nga Aleanca për Ndryshim (8 deputetë). Ilir Meta do të jetë në krye të Presidencës deri më 24 korrik 2022, ndërsa Kuvendi duhet të nisë procesin e zgjedhjes së tij jo më vonë se 24 maji 2022 sipas Kushtetutës.
Enkelejd Alibeaj tha se do të konsultohet me grupin parlamentar të PD lidhur me qëndrimin që do të mbajë për procesin e zgjedhjes së presidentit, ku PS e ka ftuar për konsultime dhe Media kërkoi që opozita të dalë me qëndrim të unifikuar. Aliebja gjithashtu tha se mazhoranca nuk duhet ta zgjedhë presidentin me shumicë të thjeshtë.
“Presidenti përfaqëson unitetin e popullit dhe ky është frymëzi nga duhet të niset procesi, është më i rëndësishme procesi, pasi nëse është gjithëpërfshirës dhe transparent jo i mbyllur në zarfe do jap produktin e duhur. Duhet të niset me këmbën e mbarë, duke respektuar kushtetutën, dhe sigurisht atë që ka qenë tradita e deritanishme . Për këtë arsye besoj se kushdo në një ngjarje kaq të madhe si zgjedhja e presidentit procesi duhet të jetë transparent dhe gjithëpërfshirës. Ky duhet të jetë frymëzimi dhe qasja. Për këtë arsye të gjithë e dimë se cila është procedura e zgjedhjes së presidentit. Presidenti në raundin e parë dhe të dytë nuk ka pese të zgjidhjet me zarf, pasi nuk e shikon dinjitoze. Dhe zgjedhja e tij ne raudin e 4 dhe te 5 nuk duhet te ndodhe. Do jetë grupi i PD që do të mbajë qëndrimin e tij, do të konsultohem me grupin. Ketë do të bëjë grupi i PD për të qenë transparencë në qëndrimin tonë për presidentin. Do të jetë grupi i yni që do vendos për qëndrimin dhe pastaj për procedurat”, tha Alibeaj.
Agron Duka, kreu i Partisë Agrare Ambientaliste, ka deklaruar se opozita duhet të çojë një përfaqësi të vetme për të diskutuar me socialistët për presidentin e ri. Ai i bën thirrje PS-së që të lërë "tallavanë" dhe ta marrë seriozisht këtë proces.
"Grupi parlamentar i yni, ne 4 aleatët kemi diskutuar për rreth 1 orë dhe vendosëm që të bëjmë një thirrje publike që të zgjedhim një përfaqësues, nëse oferta nga Rama është serioze, nëse kjo vjen thjesht një ide sikur do marrim mendim, se në fund do vendosim ne, atëherë e panevojshme që të bëhjen takime të tilla, duhet ta marrë fund kjo tallava se këto i kanë votat vetë, nëse i marrin seriozisht që presidenti duhet të jetë konsensual duhet një takim me përfaqësuesit e opozitës", u shpreh Duka.
Deri më tani, ky grup opozitar nuk ka zhvilluar një takim me kreun e grupit parlamentar të PD-së, Enkelejd Alibeaj.
"Deri tani nuk kemi diskutuar me Alibeaj, do i drejtohemi publikisht opozitës dhe pastaj të shohim nëse kjo ide e jona do të ngjizet dhe do të zërë vend", tha Duka.
Ai ka bërë me dije se nëse socialistët do të sjellin një propozim për të cilin ai është dakord, do e jap votën, por shprehet se për këtë është skeptik, pasi mazhoranca i ka votat.
"Unë e jam votën, nëse presidenti i ri do të jetë nga PS, por është një njeri me integritet, dyshoj se mazhoranca i ka të gjitha votat dhe mund të ketë një zgjatim të mendimeve dhe veprimeve të Ramës, duke njohur aktorët politik nga e majta, nëse do jetë me integritet, unë personalisht do e votoja", u shpreh ai.
Komente
Lajme të tjera
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
-
Komisioni për Veprimtaritë Prodhuese/ Kërkohen amendime për buxhetin 2025! Agron Duka: Fermerët të subvencionohen për primin
21 Nëntor, 16:09 -
Buxheti 2025/ PD propozon 28 Amendamente: Minimumi jetik 200 euro, rritje e pensioneve dhe shtim i fondeve te Onkologjiku (E PLOTË)
21 Nëntor, 15:55 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02 -
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25 -
Sondazhi i Report Tv/ PS merr 9 mandate dhe PD me 5 deputetë në Qarkun e Elbasanit
20 Nëntor, 21:11
Kot per kujtese, a i ke votuar Presidentet “konsensual” Nishan e Top?! Kaq mjafton per te kupuar se kush jeni Ju PD-ja, konsensualet e llumit, moralistet e shtetit qe mbroni vetem te jashtligjeshmen, qe nga “levizja e lire” uzurpatore (kamez, bathore, durres, paskuqan, astir etj, deri ke Ylli Non-grata Sali
Përgjigju