POP 5

Lajmet më të lexuara të 5 minutave të fundit

Periferi

Ballkani perëndimor dhe BE si në fjalët magjike të grekut Zorba

Do të duhej të ishte kjo filozofia e Bashkimit Europian në pranimin me krahë hapur të Ballkanit Perëndimor në gjirin e saj, tamam si në sirtakin e Mikis Theodorakis. Pikërisht ajo grimcë çmendurie që këto anë të Europës së vjetër kanë mishëruar gjithnjë e që janë pjesë përbërëse e saj, sot i mungon. 

Ballkani perëndimor dhe BE si në fjalët magjike të grekut Zorba

Anthony Quinn ne rolin e Grekut Zorba

Eshtë një dialog i pavdekshëm në filmin “Greku Zorba”, ku Anthony Quinn nën melodinë e sirtakit të Mikis Theodorakis nis t’i mësojë të kërcejë trashëgimtarit anglez të minierës së karbonit ndërsa ngrenë dolli ashtu siç vetëm në Ballkan dinë të ngrenë: " - Shëndet! – Për shëndetin tënd Zorba! – Të dua shumë Mister, ndaj dua të të them diçka. Ti zotëri i ke të gjitha, veç një gjë të mungon: Çmenduria! Duhet pak çmenduri, sepse pa të nuk mund të lëshosh litarin e të jesh plotësisht i lirë!”

Dhe pastaj Zorba dhe Zoti Basil kërcejnë e kërcejnë si të çmendur në ishullin e Kretës. Anglezi perfekt, Basil mëson të qeshë, mëson të kërcejë, mëson të jetojë përtej perfektësisë dhe qytetarisë angleze që e kishte ngurtësuar.

I madhi Nikos Kazantzakis përmes Zorbës solli në Europën e pas Luftës së Dytë Botërore ballkanasin tipik. Zorba mësohet të ketë jetuar me të vërtetë. Ishte me origjinë nga Shkupi, nipër e mbesa të tij sot jetojnë nga Beogradi në Selanik dhe shkrimtari grek thuhet se u takua me të ndërsa ai kërkonte një minierë për t’i shpëtuar shërbimit ushtarak. Në ligjet e kohës kush punonte në minierë nuk ishte i detyruar të bënte shërbimin ushtarak pasi miniera e ushtria konsideroheshin e njëjta gjë. Pra, ballkanasi Alexis Zorba, mes pijes, dallavereve, grave, paaftësisë për të ndërtuar dicka, i mësoi anglezit Basil lehtësinë e jetës, atë që i duhej zotërisë për të qenë i lirë dhe perfekt.

Do të duhej të ishte kjo metaforë, filozofia e Bashkimit Europian në pranimin me krahë hapur të Ballkanit Perëndimor në gjirnin e saj, tamam si në sirtakin e Mikis Theodorakis. Pikërisht ajo grimcë çmendurie që këto anë të Europës së vjetër kanë mishëruar gjithnjë e që janë pjesë përbërëse e saj, Alexis Zorba, apo George, apo Gjergj si mund të quhej maqedonasi në librin e më pas në filmin e famshëm, janë një pikë takimi dhe pranimi mes dy realiteteve që duken shumë të ndryshme, por plotësojnë mrekullisht njëra-tjetrën për të bërë një Europë të jashtëzakonshme. Pak të çmendur, por më të bukur dhe më të mirë.

a.m./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene

SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene

24 Dhjetor, 14:45