VIDEO/ Ushtria merr nën mbikqyrje Kullën e kontrollit në Rinas, është ndërtesë e sigurisë së lartë

Ushtria ka marrë pasditen e sotme nën kontroll Kullën e Kontrollit në Aeroportin Ndërkombëtar “Nënë Tereza”, pasi një pjesë e madhe e kontrollorëve që kryejnë kontrollin e hapësirës ajrore shqiptare kanë deklaruar paaftësi për të kryer punën.

Lajmi është dhënë sot në Report Tv nga ministrja Belinda Balluku. Ajo tha se Kulla e Kontrollit është ndërtesë e sigurisë së lartë.

"Në aeroport në këto momente ka shkuar ushtria pasi ndërtesa është një ndërtesë e sigurisë së lartë dhe duke qene se kontrollorët e trafikut ajror e kanë braktisur detyrën dhe pavarësisht që qëndrojnë në ndërtesë është i bllokuar. Ajo do të merret në kontroll nga ushtria", tha Balluku.

LEXO EDHE:
PD: ARRSH tendera 200 mln €! Do kallëzojmë Ballukun në SPAK

Ndërkohë që Report Tv ka siguruar pamje nga Aeroporti i Rinasit kur ushtria është afruar për të marrë nën mbikëqyrje Kullën e Kontrollit.

Lajmi kryesor:

Pezullimi i fluturimeve, Balluku në Report TV: Organizatorët me prapavijë politike, janë kallëzuar në prokurori! Kulla e Kontrollit nën mbikëqyrje nga ushtria! Kemi një plan për rifillimin e fluturimeve shumë shpejt

/b.ha./Shqiptarja.com

TAG:
• aeroporti i rinasit
• Albcontrol
• belinda balluku
• anulohen fluturimet ne Rinas