Banka e Shqipërisë; Rritet kreditimi për kompanitë private

/ATSH/- Banka e Shqipërisë, ben te ditur se, për katër muajt e parë të këtij viti, portofoli i kredisë për ekonominë arriti në 556.2 miliardë lekë ose 2,5% me shume se vitin e kaluar.
Kreditimi i ekonomisë po ruan një rritje modeste, por të qëndrueshme që nga mesi i vitit të kaluar. Ajo që bie në sy gjatë muajit Prill është se rritja e kredisë ka ardhur kryesisht nga sektori privat, ndërsa është vërejtur një ulje e kredisë për koorporatat publike, që ka qenë përcaktuese në rënien e totalit të kredisë për ekonominë.
Huaja për biznesin privat ngelet boshti i kreditimit të ekonomisë, me afro 66% e totalit. Me bazë vjetore, kreditimi i biznesit është rritur me 1.9%. Ndërkohë, kredia për individët është shfaqur në rënie të lehtë krahasuar me muajin Mars, por megjithatë edhe ky segment ruan një rritje vjetore pozitive, me 3.1% më shumë kundrejt Prillit të vitit 2014.
 

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Meçe: Lazarati prodhonte 900 ton hashash në vit! Noka, Basha, Berisha menaxhonin kartelin e drogës