Basha fjalim si te protestat e opozitës: Nesër në 11:30 të gjithë këtu te Teatri

Kreu i PD-së Lulzim Basha ka qenë i pranishëm këtë mbrëmje në protestën e artistëve. Në fjalën e tij, Basha përsëriti fjalimin që ai ka mbajtur edhe në fund të protestave të opozitës, teksa njoftoi se nesër në orën 11:30 opozita do të nënshkruajnë marrëveshjen me Aleancën për Mbrojtjen e Teatrit.

"Miqtë e mi, e kuptoj çlirimin dhe gëzimin e shumë prej jush dhe është plotësisht i përligjur për shumë prej jush që e nisët rezistencën që në orët e para të mëngjesit dhe nuk i jeni ndarë asnjë çast mbështetjes për artistët. Kemi parë sot brutalitetin e një shteti mafioz dhe kriminal në shërbim të një hajduti psikik, që për të vjedhur dhjetëra millionë euro dhe për të pastruar paratë e drogës, do që të shkatërrojë gjithçka. Do që të shkatërrojë edhe këtë truall fisnik, këtë godinë që është më shumë se shtëpia e Teatrit Kombëtar, është kujtesë e trashëgimisë kulturore dhe është tregues i qytetarisë së Tiranës dhe të gjithë Shqipërisë. Duke filluar me të nesërmen, ku kërkoj nga të gjithë qytetarët e Tiranës, nga të gjithë mbështetësit e Aleancës për Teatrin dhem natyrisht, nga mbështetsit tanë, të Pd, të opozitës së bashkuar, të jemi të gjithë këtu, sepse, brenda kësaj godine do të nënshkruajmë Marrëveshjen me Aleancën për Teatrin, marrëveshjen për Teatrin Kombëtar, për kulturën kombëtare, e cila që do të bëhet realitet ditën e parë që vendi do të ketë një qeveri nga njerëzit, të njerëzve dhe për njerëzit. Edhe njëherë, mirënjohje për qendresën tuaj. Nesër në orën 11.30 do të bëhet nënshkrimi këtu. Të jemi të gjithë bashkë këtu, të tregojmë forcën tonë, fuqinë tonë, fuqinë e qytetarëve të bashkuar për Liri, Demokraci dhe vlera europiane", tha Basha.

Lajmi kryesor:

Policia tërhiqet pas 12 orësh/ Basha zhvendos protestën e opozitës te Teatri: Të enjten në 11:30 sërish këtu/ VIDEO

B.K./Shqiptarja.com

TAG:
• teatri kombetar
• PD
• policia e shtetit
• shembja e teatrit