Basha: Mirëpres angazhimin e Gjermanisë për zgjidhjen e krizës

Kryetari i PD-së, Lulzim Basha ka përshëndetur apelin e koalicionit politik gjerman të CDU/CSU, ku i ftoi palët që të ulen në një tryezë dialogu për zgjidhjen e krizës. Në një reagim për mediet, Basha shprehet se është i gatshëm që CDU/CSU të ndërmjetësoj zgjidhjen e krizës politike në Shqipëri.

"Mirënjohje Gjermanisë mike dhe mbështetëse të Shqipërisë, për vëmendjen dhe shqetësimin ndaj problemeve që kanë penguar integrimin europian, si mungesa e zgjedhjeve të lira dhe të ndershme, lidhjet e politikës me krimin, mungesa e luftës ndaj krimit dhe korrupsionit. Në emër të PD dhe të Opozitës së Bashkuar konfirmoj gatishmërinë tonë për zgjedhje të lira dhe të ndershme dhe mirëpres angazhimin e Gjermanisë mike për zgjidhjen e kësaj krize dhe hapjen e rrugës europiane të Shqipërisë", shkruan Basha.

B.K./Shqiptarja.com
  • Sondazhi i ditës:

    "Lufta" ndaj COVID-19/ A mendoni se duhet të bëhen më shumë testime?

Komento