Basha në Elbasan: Thellësisht mirënjohës nga gatishmëria e hoteleve për të strehuar banorët e prekur nga tërmeti

Kreu i PD-së, Lulzim Basha ishte ditën e sotme në Elbasan, ku vizitoi banorët e prekur nga tërmeti, të cilët janë të strehuar në hotelet e llixhave.

Basha thotë se është i prekur nga dhembshuria njerëzore e hotelierëve dhe personelit të hoteleve.

“Hotelet në Llixhat e Elbasanit kanë hapur dyert për familjet e goditura nga tërmeti dhe janë gati të akomodojnë qindra njerëz në nevojë. 60 të parët kanë ardhur prej dy ditësh, kryesisht nga Durrësi.

Jam i prekur dhe thellësisht mirënjohës për zemërgjerësinë bujare dhe dhembshurinë njerëzore të hotelierëve dhe personelit të hoteleve. Kjo është Shqipëria e vërtetë e njerëzve me zemër të madhe!”-shkruan Basha në profilin e tij në Facebook.

Lajmi kryesor:

MOBILIZIMI/ Basha: Mirënjohës nga gatishmëria për të strehuar banorët e prekur nga tërmeti! 59 psikologë vijnë nga Kosova

TAG:
• termet me viktima ne Shqiperi
• mobilizimi