Basha publikon fjalët e biznesmenit: Xhiroja e vitit 2018 e futi në kurthin e taksave të larta të shtetit

Kreu i Partisë Demokratike, Lulzim Basha ka vendosur në vëmendje ekonominë dhe papunësinë, që sipas tij po përjetojnë një krizë të thellë.

Basha ka publikuar fjalët e Met Sejdinit, pronar i një bar-restoranti në Tiranë, i cili thotë se në vitin 2018 xhiroja e biznesit që kishte kapur shifrën e 33 milionë lekëve të vjetra, me vendim qeverie e kaluan në biznes me TVSH.

 “Xhiroja prej 33 milionë lekësh më kaloi biznes me TVSH”. Shembulli i një biznesi, që xhiroja e vitit 2018 e futi në kurthin e taksave të larta të shtetit. Met Sejdini: Rezistojmë me shumë sforco, nuk po shlyejmë dot kreditë për ta mbajtur në këmbë. Met Sejdini, pronar i një bar-restoranti në Tiranë, thotë se në vitin 2018 xhiroja e biznesit që kishte kapur shifrën e 33 milionë lekëve të vjetra, me vendim qeverie e kaluan në biznes me TVSH. Kjo gjë e detyroi atë të paguajë kostot e larta të detyrimeve që i ngarkohen biznesit të tij. Ai shprehet se në 2019-ën, si rezultat i rënies së konsumit, edhe te biznesi i tij pati rënie të xhiros dhe kjo xhiro vajti në 22 milionë lekë, por ai vazhdon të paguajë detyrimet si biznes me TVSH. Përpos kësaj, ai duhet të paguajë edhe taksat e bashkisë, që janë një kosto shtesë dhe që e kanë bërë që biznesin ta mbajë me sforco të mëdha duke marrë kredi për ta mbajtur hapur", shkruan Basha në rrjetet sociale.

Biznesmeni ka sqaruara se si taksat e kanë sforcuar mbajtjen e biznesit të tij.

"Quhem Met Sejdini. Kam një biznes privat prej 17 vitesh familjar, të cilin e punojmë. Është kryesisht shërbim bar-restorant. Që nga 2018-ta, xhiro e deklaruar prej 33 milionë lekësh, me vendim qeverie kalova biznes me TVSH, duke rritur kostot, sidomos kostot e ekonomistit edhe një sërë detyrimesh që i ngarkoheshin biznesit është TVSH-ja, e cila fillimisht u bë shumë e ngarkuar dhe kalonte vlerën në vit 70 mijë lekë të reja. Në 2019-ën, si rezultat i rënies së konsumit, edhe te biznesi im pati rënie xhiro dhe kjo xhiro vajti në 22 milionë lekë. Unë përsëri vazhdoj të paguaj detyrimet si biznes me TVSH. Njëkohësisht taksat e bashkisë, siç janë ato të pasurisë dhe ato të infrastrukturës të arsimit dhe pastrimit, janë një kosto tjetër shtesë dhe aq më shumë që këto taksa vajtën përsëri në vlerën 70 milionë lekë. Kjo është të mbetesh dhe të rezistosh me shumë sforco dhe në periudhën që flasim jemi pa paguar dhe detyrimet e sigurimeve shoqërore, dhe një pjesë e kësteve të bankës që kemi marrë si kredi për të mbajtur në këmbë, ose për të bërë rikonstruksione në këto biznese", thotë biznesmeni.

/b.ha./Shqiptarja.com

TAG:
• lulzim basha
• PD
• taksa
• met sejdini