Zenepe Luka është një emër shumë i njohur, jo vetëm për qytetin e Vlorës, por në të gjithë hapësirën mediatike. Ajo është një gazetare që në vitin 1998 iu vu tritol në shtëpi, me qëllimin për ta asgjësuar familjen e saj.
Por së fundmi familjes së saj i është dashur të përballet me një tjetër sfidë shumë të madhe, luftën ndaj COVID. Ajo u shfaq para dy ditësh në një video të publikuar nga Kryeministri Rama, ku së bashku me bashkëshortin e saj kanë rrëfyer se si koronavirusi tentoi të merrte Ismailin por ia doli ta mundte.
Sot Zenepe Luka ka rrëfyer në një intervistë për Report Tv të tjera detaje shumë të dhimbshme për eksperiencën e saj. Ajo tregon se si një pakujdesi desh çoi në tragjedi.
"Në të vërtetë problemi ka qenë me bashkëshortin tim, mjekun Ismail Luka. Do thosha sinqerisht ishte një pakujdesi e tij që në një rreth miqsh dhe kolegësh kaloi një darkë në qytetin e lindjes dhe kur erdhi kishte një temperaturë 38.5. Sigurisht u shqetësua ai e ne të gjithë dhe u izolua menjëherë. Gjatë katër ditëve që qëndroi në shtëpi vazhdonte me këto shenja, temperatura rritej, dhimbje kockash, dhimbje barku dhe filloi ti vështirësohej frymëmarrja. Menjëherë me mjeken e lagjes, personelin që është kujdesur në Vlorë dhe filloi terapia sipas protokollit për të gjithë të sëmurët. Iu bë tamponi dhe doli pozitiv. Gjatë 8 ditëve që qëndroi në shtëpi gjendja iu rëndua, vendosëm ti bëhet skaneri dhe jemi befasuar kur përgjigja ishte niseni urgjent në spitali infektiv sepse ai jeton vetëm me 30% të mushkërisë. Sigurisht kjo na çoi në gjendje të rëndë tek unë e tek ai dhe u nis brenda një orë në Tiranë me oksigjen", tha Zenepja.
"Më besoni gjatë 8 ditëve qëndrimi atje ishte një gjendje ankthi. Unë sinqerisht u thashë fëmijëve që ne duhet të përgatitemi për situatën më të vështirë sepse e tillë ishte gjendja e bashkëshortit. Gjatë ditëve të para u shtrua në spitalin infektiv, në pavionin e Najada Comos dhe profesor Kalo dhe deri në ditën e tretë ishte një heshtje. Dhe mjekët më informonin për gjendjen, në ditën e katërt prof. Kalo më thotë se ndryshoi situata për mirë, u mor kthesa drejt jetës. Gjatë 8 ditëve e përballoi mirë qëndrimin atje dhe shpëtoi nga një vdekje e sigurt", vijoi ajo.
Gazetarja është shprehur se ndjehet në borxh me mjekët e spitalit Infektiv.
"Një dhimbje, një trishtim të përmasave të mëdha që rrallë herë më ka ndodhur në jetë. Unë kam pasur një jetë të vështirë, por kur diskutova ikjen e bashkëshortit... madje shkova deri atje që hapa bllokun e shënimeve ku ai kishte lënë amanetet. Më besoni, ndjehem në borxh me mjekët e spitalit infektiv, sepse nuk lejohej të shkoje, të komunikoje me pacientin, është normale, por një zë i tyre mua me jepte shpresë", tha ndër të tjera në intervistën për Report Tv, Zenepe Luka.
Lajme të tjera
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40 -
Situata Covid-19 në vend! 5 raste të reja dhe asnjë humbje jete në 24 orët e fundit
30 Nëntor 2022, 18:00 -
Raporti i OKB: Shqipëria me rritjen më të madhe të turistëve të huaj në 7 muajt e parë të 2022, krahasuar me 2019-n! Turizmi po tejkalon ndikimet e COVID-19
28 Nëntor 2022, 15:13 -
6 të infektuar nga 381 testime të kryera! Asnjë humbje jete dhe 14 të shëruar! Situata Covid-19 në vend në 24 orët e fundit
26 Nëntor 2022, 18:06 -
Asnjë humbje jete dhe 11 persona të infektuar në të gjithë vendin! Situata Covid-19 gjatë 24 orëve të fundit
23 Nëntor 2022, 17:29
