TIRANË - Një familje mjekësh: Ajo dermatologe, ai mjek i njohur infeksionist, në frontin e parë të luftës kundër koronavirusit. Asnjëherë, as ajo, as fëmijët, dhe as prindërit e tij, nuk i kanë thënë të lë detyrën në këto ditë të vështira për kombin shqiptar, edhe pse më herët ka rrezikuar kur është infektuar ng anjë pacient me virusin AH1N1 (gripin e derrit). E tillë është historia e profesorit të njohur Arjan Haxhi dhe bashkëshortes së tij, mjeke dermatologe Erjona Shehu.
Në një komunikim me Skype me Report Tv, doktoreshë Erjona na tregon si po i kalon këto ditë në shtëpi, dhe merakun e saj si bashkëshorte, për Arjanin, i cili prej ditësh është në ballë të parë për të qëndruar pranë të prekurve me koronavirus në Shqipëri.
"Të gjithë profesionistët të të gjitha fushave që sot janë në punë janë të rrezikuar, mjekët i kanë më të mëdha mundësi për riskun. Nuk është hera e parë që bashkëshorti im apo kolegët e mi përballen me këto situata. Kur ishte epidemia e gripit të derrit bashkëshorti im u sëmur e mori virusin nga pacienti u vetëiozolua në shtëpi se në spital nuk kishte vende. Kanë pasur të gjithë incidentet me pacientët. Ajo që duhet të kemi parasysh është të mos i konsiderojmë mjekët heronj vetëm në këto ditë, por përmes këtyre ditëve të kuptojmë peshën e madhe që ata mbajnë. COVID-19 është shumë i zhurmshëm, por mjekët përballen përditë me të tilla situata. Në asnjë moment as vajzat e mia, as unë, as prindërit e bashkëshortit im nuk i kanë thënë kurrë mos shko në punë, as e kemi menduar ta themi, ata punojnë dhe e bëjnë me shumë dëshirë dhe përkushtim këtë gjë", tregon mjekja Erjona Shehu.
Shehu ndan edhe një apel për të gjitha ata pacientë që kanë fshehur nga mjeku historikun e udhëtimeve që kanë pasur në zona të kuqe me COVID-19, duke i infektuar ata. Sëmundja nuk pyet se kë zgjedh, thotë ajo, dhe i vetmi aleat ne këtë luftë me të cilin duhet të tregohemi të sinqertë, ësht ëmjeku.
"Ne nuk kemi kulturë do vijë duke u krijuar me kohën. Sëmundja nuk të zgjedh se ti ke një problem social, ke dika që nuk shkon, apo je ndryshe apo më problematik me shoqërinë, nuk duhet të vetë stigmatizohemi nëse kemi një sëmundje. Sëmundja nuk bën dallim. Që nga i pari i shtetit e deri tek i fundit në thonjëza se për mua janë të barabartë, tek i fundit i këtij vendit. si nga i pasuri tek i varfri, sëmundja nuk njeh shtresë, status ekonomik apo formim kulturor. I vetmi që është aleat në këtë sëmundje është doktori, dhe duhen nxjerrë kartat në tavolinë, në momentin që je i sinqertë me mjekun, gjendet zgjidhja. Jeta është vetëm një nuk ka të dytë, dhe atë jetë ta jetojmë ta mbrojmë, dhe siç duam të mbrojmë jetën tonë të mbrojmë edhe të tjerëve", apelon ajo.
A i ka marrë Shqipëria masat e duhura për të parandaluar përhapjen e COVID-19? Mjekja dermatologe Erjona Shehu, thotë se kjo është më e mira e mundshme, në kushtet kur shqiptarët ende nuk e kanë kulturën për të ruajtur higjienën personale e po ashtu edhe kontrollin e vazhdueshëm shëndetësor.
"Ne po e përballojmë ashtu sikurse në kushtet e Shqipërisë duhet ta përballojmë. Nuk bëhet fjalë vetëm për nivelin shëndetësor, por edhe socio-ekonomik. Nuk kemi nivel të lartë higjiene, kemi probleme të mëdha me kujdesin ndaj shëndetit, e lëmë gjithmonë në moment të fundit. Është shumë mirë që janë marrë këto masa drastike. Është e vetmja formë për të minimizuar përballjen me sistemin shëndetësor. Mos o zot mos përfundofshim aty ku ndodhet fatkeqësisht Italia sot. Është gjëja më e mirë të respektohen të gjitha këshillat, rregullat deri në urdhra. Duke parë afrimitetin që ne kemi me Italinë, atë shkëmbim masiv, sa filloi kjo situatë unë i publikova rregullat e OBSH-së se nuhata se do e kishim edhe ne impaktin tonë, është e paevitueshme. Do vinte ky moment. Duke parë që është një virus shumë i panjohur", u shpreh mjekja.
Nuk i ka lënë pas detyrat e shtëpisë si mjeke, teksa në këto ditë po i shërben të gjitha nënave që kanë shqetësime për fëmijët e tyre. Bën minimumi 10 konsulta online me prindërit duke i këshilluar, teksa na thotë se për çdo rast që kërkon trajtim mjekësor, vizitat janë të sigurta.
"Këto ditët e fundit në shtëpi, kam pasur shumë detyra shtëpie, jo vetëm të mijat, por edhe fëmijët që na kanë uzurpuar mjetet e komunikimit se bëjnë mësimet online. Pjesa e dytë lidhet me profesionin. Pavarësisht se janë e vetëmbyllur fizikisht vazhdoj ta ushtroj profesionin, jo pa qëllim bëra një njoftim me qëllim që çdo prind që ka nevojë për konsultë dermatologjike të shkruajë. Jo çdo gjë zgjidhet përmes pamjeve, por në momentet që do kishte diagnoza të tjera, do kërkohej kontakti me mjekët ku ofrohet shërbimi shumë i sigurt. Minimumi 10 konsulta online në ditë me prindër që kanë probleme me fëmijët e tyre, më së shumti ata deri në moshën 5-vjeçare", tha Erjona Shehu.
Lajme të tjera
-
Zbardhet vendimi/ 2-8 vite burg kush përhap infeksione pa e ditur, Gjykata Kushtetuese rrëzon ndryshimet në Kodin Penal, ndëshkim vetëm për përhapësit e sëmundjeve me dashje
18 Janar 2023, 21:35
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40 -
Situata Covid-19 në vend! 5 raste të reja dhe asnjë humbje jete në 24 orët e fundit
30 Nëntor 2022, 18:00 -
Raporti i OKB: Shqipëria me rritjen më të madhe të turistëve të huaj në 7 muajt e parë të 2022, krahasuar me 2019-n! Turizmi po tejkalon ndikimet e COVID-19
28 Nëntor 2022, 15:13 -
6 të infektuar nga 381 testime të kryera! Asnjë humbje jete dhe 14 të shëruar! Situata Covid-19 në vend në 24 orët e fundit
26 Nëntor 2022, 18:06
