POP 5

Lajmet më të lexuara të 5 minutave të fundit

Kronikë

Bazë armatimesh në Tiranë, Prokuroria do ankimojë vendimin që shpalli të pafajshëm Fatjon Muratin! Ishte objektiv i atentatit në 'Don Bosko'

Vendimi për shpalljen të pafajshëm  të Fatjon Muratit, për armëmbajtje pa leje duket se nuk e ka bindur Prokurorinë, që kërkoi dënim me 3 vite burg. Për Report Tv burime nga ky institucion kanë pohuar se janë në pritje të vendimit të zbardhur të Gjykatës së Shkallës së Parë për t’iu drejtuar Gjykatës së Apelit.

Prokuroria e Tiranës nuk do ta pranojë vendimin e Gjykatës së Shkallës së Parë, e cila shpalli të pafajshëm Fatjon Muratin, i akuzuar për armëmbajtje pa leje pas zbulimit të një arsenali armësh në dy  banesa në kryeqytet. Burime nga organi i akuzës kanë konfirmuar për Report Tv, se janë në pritje të vendimit të zbardhur të gjykatës për t’iu drejtuar Gjykatës së Apelit.

Edhe pse Prokuroria kishte kërkuar 3 vite burg për Muratin, togat e zeza nuk i konsideruan provat për ta dënuar dhe e liruan nga akuza Muratin, ndonëse ndaj tij tashmë ka edhe një  tjetër akuzë ajo e largimit nga vendi i qëndrimit. Murataj u arratis edhe pse ishte në ‘arrest shtëpie’.

Ndërsa për të pandehurin tjetër për armët, Kristian Gjini, Gjykata e dënoi me 7 vite e 6 muaj burg. Për këtë të fundit organi i akuzës kishte kërkuar 12 në qeli. Policia ushtroi kontrolle në dy banesa të marra me qira nga Gjini ku u gjetën 7 armë zjarri, 4 silenciatorë dhe municione të tjera luftarake.

Në një nga kutitë ku mbaheshin armët u zbuluan edhe shenjat e gishtave të Muratit. Në momentin që Murati u arrestua i akuzuar për armëmbajtje ma leje, ai ishte nën shoqërinë e Endrit Dokles dhe kunatit të tij. Më pas Murati u lirua nga gjykata dhe u la “arrest shtëpie”.

Murati i shpëtoi një atentati, të bërë në lokalin në pronësi të tij në zonën e ‘Don Boskos’ ku u vra banakierja Mimoza Paja dhe u plagosen 6 persona të tjerë. Murati tashmë kërkohet nga policia për largim nga banesa. Pak dite me parë për masakrën e Don Boskos policia dhe prokuroria ka arrestuar një person që ka siguruar targat e makinës së autorëve.

SI.E./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Loran shehu: 11/06/2023 16:05

    Ore o prokurori me sa di un objektivi nuk ka faj , faj ka atentatori por ndoshta kan ndryshu kohet e fundit ligjet se ca spo ndodh ... shkoni kapni kush gjuan neper Tiran e vrasin gra e fmi ate beni

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29