BE do ndajë fondet e Planit të Rritjes Ekonomike, Shqipëria pritet të përfitojë rreth 1 mld Euro! Ja sa marrin vendet e tjera të Ballkanit Perëndimor

Rama dhe komisioneri Varhelyi, gjatë Samitit të muajit shkurt, në Tiranë

Bashkimi Evropian ka aprovuar një fond prej 6 mld eurosh për Ballkanin perëndimor, në kuadër të Planit të Rritjes Ekonomike. Mes vendeve që përfitojnë është edhe Shqipëria, sigurisht duke plotësuar kushtet e vendosura që në Samitin e Tiranës në muajin shkurt.

Më 16 Tetor pritet të bëhet edhe ndarja e këtij fondi, ku sipas përllogaritjeve të përafërta dhe ende jo zyrtare, Shqipëria Shqipëria pritet të përfitojë në total 922 milionë Euro, ndërsa si mjete “parafinancuese” 64.5 milionë.

Kosova do të mund të përfitojë mbi 880 milionë Euro, ku nbi 250 milionë Euro do t’i ndaheshin si para pa kthim, ndërsa pjesa tjetër në formën e kredive. Maqedonia e Veriut pritet të ketë në dispozicion 750 milionë Euro, ndërsa pagesa e parë për të do të ishte 52.5 milionë.

Serbisë do t’i ndaheshin gjithsej 1.58 miliard Euro, ndërsa pagesa e parë për të do të ishte 111 milionë. Mali i Zi do të kishte në dispozicion gjithsej 383 milionë Euro, ndërsa si “parafinancim” 26.8 milionë. Bosnje e Hercegovina, nga totali i planit, do të kishte në dispozicion 1 miliard e 85 milionë Euro, ndërsa si “parafinancim” 76 milionë.

Por, para se të bëhen këto pagesa, vendet përfituese duhet t’i nënshkruajnë marrëveshjet dhe t’i ratifikojnë ato në parlamentet e tyre kombëtare, sepse dy miliardë Euro do të jenë para pa kthim, ndërsa të tjerat do të jenë kredi të favorshme. BE ka vendosur në këtë rast edhe kushtet që duhet të përmbushen, të deklaruara që më 29 Shkurt të këtij viti, kur u bë publikimi i lajmit në Samitin e zhvilluar të Tiranës.

A.Q/Shqiptarja.com