POP 5

Lajmet më të lexuara të 5 minutave të fundit

Opinion

Periferi

 Partitë e vogla ose pikat e ujit që do të gërryejnë dinosaurët e politikës

Që në lindje të tyre përfaqësues apo parti të reja në spektrin politik shqiptar, janë ndryshe nga të vjetrit e politikës agresive, të padrejtë dhe manipuluese.

 Partitë e vogla ose pikat e ujit që do të gërryejnë dinosaurët e politikës

Të rinjtë në politikë dhe partitë e reja, do ta çojnë shoqërinë shqiptare në një tjetër platformë zhvillimi. Të gjithë bashkë, duke nisur që nga Endri Shabani, Adriatik Lapaj, Arlind Qori e deri te më e fundit, “Djathtas 1912” apo të tjerë që mund të vijnë nga eksponentë të djathtës apo të shoqërisë civile, të çliruar nga dinosaurët e politikës shqiptare të tranzicionit, do të sjellin ndryshim, madje disa prej tyre po e bëjnë. Nuk them se ata do të jenë perfekt, pasi nuk ka perfekt në njerëzoren dhe aq më shumë në vendin tonë, por besoj se do të bëjnë më të mirën për të sjellë një mënyrë më moderne, më korrekte, më të vërtetë për të bërë politikë.

Të rinjtë sot në politikë po e shkëpusin këtë makineri të domosdoshme mbijetese dhe rregullimi shoqëror nga politikat e instikteve, pabesive, pandershmërisë dhe manipulimeve. Nuk mund të ketë shfaqje të menjëhershme të asaj që mendohet se do të bëjnë, por është e sigurtë se këto pika të vogla uji do të gërryejnë dinosaurët prej shkëmbinjsh të kalcifikuar të së shkuarës sonë.

Politikanët e rinj do të arrijnë të jenë të edukuar, të sjellshëm, të ditur, të mësuar, të thjeshtë, të denjë si përfaqësues të një shoqërie tamam si kjo e jona, e fundit në Europë për zhvillim ekonomik, por me një ambicje që shkon deri në yllin më të largët të galaktikës sonë e me dëshirën për të qenë të gjithë më europianë, më perëndimorë.

Shumica e këtyre politikanëve të rinj vijnë nga familje të vërteta shqiptarësh që jetojnë mes lagjeve autentike të qyteteve, nga ato që nuk rrethohen me muret e larta të izolimit të luksit e të privilegjeve të tejskajshme që i kanë shkëputur njëherë e përgjithmonë politikanët e vjetër nga humusi njerëzor shqiptar.

Për median, inkurajimi, prezantimi, dëgjimi i tyre është një detyrë qytetare që duhet bërë e plotë dhe me ndërgjegje. Sigurisht, do të ishte naive të besonim se janë të vlefshëm vetëm sepse janë të rinj. Ata janë të vlefshëm sepse deri tani janë ndryshe dhe me këtë ndryshim do të sjellin herët a vonë, edhe përmirësim.

a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    19 Dhjetor, 08:16

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit

Zgjedhjet e 11 Majit/ Deputetja Jorida Tabaku: Të rinjtë, në ballë të betejës për fushatën e PD-së! Suksesi ynë varet nga përkushtimi i tyre

Zgjedhjet e 11 Majit/ Deputetja Jorida Tabaku: Të rinjtë, në ballë të betejës për fushatën e PD-së! Suksesi ynë varet nga përkushtimi i tyre

21 Dhjetor, 13:03