SHKODER - "Djali im nuk ka lidhje me ISIS, nuk kemi bukë në hangar, jo më të sponsorizojmë terorristët".

Kështu u shpreh nëna e të riut Ergys Faslia, Jetmira Faslia, i cili u arrestua dy ditë më parë në Shkodër, i dyshuar si rekrutues dhe mbështetës financiar për organizatën terroriste ISIS.

Nëna e Ergys Faslisë shprehet se i biri u arrestua në shtëpi, teksa ishte duke fjetur dhe sipas saj, policia kontrolloi banesën dhe nuk gjeti asnjë provë.
Jetmira Faslia u bën apel autoriteteve të vendosin drejtësinë në vend, pasi thekson se djali i saj është i pafajshëm.

Sipas nënës, Ergys Faslia nuk dispononte as pasaportë për të lëvizur jashtë vendit, si pasojë e kushteve të vështira ekonomike.