POP 5

Lajmet më të lexuara të 5 minutave të fundit

Kronikë

Bëri sherr për shezlongët në plazhin e Kunes në Lezhë dhe plagosi biznesmenin! Kapet autori i shpallur në kërkim

Policia ka vënë në pranga Paris Dedën, i cili plagosi Armando Markun pas një sherri në plazhin e Kunes në Lezhë rreth një muaj më parë. 

Bëri sherr për shezlongët në plazhin e Kunes në Lezhë dhe plagosi biznesmenin! Kapet autori i shpallur në kërkim

Policia në ditën e ngjarjes në Kune të Lezhës

LEZHË- Policia ka vënë në pranga Paris Dedën, i cili plagosi Armando Markun pas një sherri në plazhin e Kunes në Lezhë rreth një muaj më parë. 

Konflikti mes dy personave të cilët kishin bizneset afër njëri-tjetrit, ka nisur për vendosjen e shezlongeve në brezin e rërës, për të cilën pretendonin pronësinë të dyja palët. Duke mos gjetur zgjidhje, dy personat janë përplasur verbalisht me njëri tjetrin, e më pas Paris Deda ka goditur fizikisht dhe me sende të forta  Armando Markun, duke i shkaktuar fraktura në kokë.

Konflikti mes tyre ka ndodhur në mes të pushuesve të cilët të dielën e 26 qershorit ishin të shumtë në zonen e Kunës në Shëngjin. Policia e cila nisi menjëherë hetimet në lidhje me ngjarjen ka shoqëruar në komisariat dhe po merre në pyetje disa persona për sqarimin e plotë të rrethanave, ndërsa po ushtrohen kontrolle për kapjen e autorit të dyshuar Paris Deda.

Përpos Paris Dedës, një tjetër i përfshirë në ngjajren e Kunes në Lezhe ka qenë Erjon Marku vëllai i Armand Markut 41 vjeç i cili goditi gruan e Paris Dedës, 46 vjeçe gjë që vijoi më pas me nxitjen e konfliktit.

Ndarja e rërës në plazh është kthyer shpreh herë në burim konflikti mes subjekteve private në bregdet, ku nuk kanë munguar as viktimat siç ishte rasti i qershorit të vitit 2021 në Velipojë ku mbetën të vrarë 4 persona.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06