Berisha e quajti Ramën ‘armik’, reagon Braçe: Me këtë ‘kulturë’ mbylli në burg Fatos Nanon e poqi të gjallë punëtorët e gjorë të Gërdecit

Deputeti socialist Erion Braçe, ka publikuar një pjesë të fjalimit të Sali Berishës një ditë më parë, të mbajtur para kryeministrisë. Ish-kryeministri quajti kreu e qeverisë Edi Ramën ‘armik’ dhe jo kundërshtar politik.

Sipas Braçes, kjo është kultura e armikut që ka Sali Berisha, me në thelb fashizmin oriental. Ai kujton burgosjen e kryetarit të atëhershëm të opozitës Fatos Nano, rrahjen e Edi Ramës e deri dhe vrasjen e protestuesve në Bulevard.

“Kjo eshte “kultura e armikut”; Ne thelb te fashizmit oriental! Me kulturen e armikut, mbylli ne burg per me shume se tre vjet, kryetarin e opozites, armikun Fatos Nano; Me kulturen e armikut, rrahu deri ne kufijte e vdekjes, publicistin ate kohe, armikun Edi Rama; Me kulturen e armikut, pushkatoi kater armiq ne mes te bulevardit; Me kulturen e hajdutit, poqi te gjalle punetoret e gjore te Gerdecit, ku ishte nje nga bizneset e fashizmit oriental”, shkruan deputeti Erion Braçe.

LEXO EDHE:
Mero Baze: 'Kurum'-i i shpartallon opozitës, kauzën e mbetjeve toksike

Përveç benikëve të Berishës, si Belind Këlliçi, Albana Vokshi, Luçiano Boçi, në protestën e Berishës morën pjesë edhe deputetët demokratë që kanë qenë kritikë ndaj tij. Pjesa tjetër e deputetëve, mes tyre edhe Lulzim Basha, Enkelejd Alibeaj apo Gazment Bardhi zgjodhën që ta bojkotojnë këtë protestë. E pranishme ishte edhe Monika Kryemadhi, e cila mbajti fjalim përpara fjalimit përmbyllës të Sali Berishës. Në kohën kur zhvillohej protesta, kryeministri Rama ndodhej në Vlorë për të inaguruar bypass-in e Vlorës.

M.Q./Shqiptarja.com

TAG:
• Erion Braçe
• edi rama
• sali berisha
• protesta e berishes 7 korrik
• fatos nano