Për 1 orë 3 gra të vrara! Dan Hutra vret motrën dhe kunatën e ish gruas në Paskuqan! Ekzekuton dhe 31-vjeçaren në Kamzë për hakmarrje! Arrestohet pas 7 orësh: E bëra se desha

Report Tv zbardh një pjesë të dëshmisë së Dan Hutrës, autorit të vrasjes së 3 grave dhe plagosjes së 3 të tjerave këtë mesditë në Tiranë. Në deklarimet e tij para hetuesve në Drejtorinë Vendore të Policisë së Tiranës, killeri 40-vjeçari nuk ka shfaqur asnjë shenjë pendese për makabritetin e kryer.

Për detaje më të plota do të pyetet të nesërmen, por në ballafaqimin e parë ka thënë "E  bëra pasi desha".

Ndërkohë kanë dale pamjet nga momenti kur autori shoqërohet në polici.

Policia jep detaje për 3 vrasjet e ndodhura në Tiranë.

“Ngjarja e sotme ka këtë dinamikë, në 12:15 Dan Hutra në afërsi të pallatit me shigjeta ka plagosur M.G, pas kësaj, autori është larguar me benz me targë AA531 UK që e kishte marrë me qira dhe në 12:35 ka shkuar në Kamzës. Në këtë vend ka plagosur Elena Hysa, dhe Kujtime Hysën, ish bashkëjetuesja dha nëna, ka vrarë Mevlute Husa motrën dhe të fejuarën e vëllait të ish bashkëjetueses. Pastaj ka shkuar në Bathore, në rrugën Besëlidhje dhe 12:48 minuta ka shkuar në familjen Kurti ku ka vrarë Etleva Kurtit. Për ngjarjen e parë jemi njoftuar pasi ka ndodhur vrasja e dytë. Është kryer ekspertimi i gëzhojave, 12 në Paskuqan dhe 6 në Kamzë janë shkrepur nga e njëjta armë. Është gjetur dhe makina, policia falënderon për informacionet e shumta. Në momentin e arrestimit nuk ka bërë rezistencë. Kemi rianalizuar veprimtarinë kriminale të autorit, nuk është evidentuar në asnjë rast që të ketë paraqitur çrregullimeve psiqike. Nuk ka pasur informacione nga familjarë për rrezik jete nga ana e tyre. Vrasja në Kamzë ka ndodhur për shkak të motiveve të tjera”, ka thënë Tonin Vocaj.

Vjen reagimi i ministrit të Brendshëm, Bledi Çuçi. 

"Përgëzime Policisë së Shtetit për arrestimin e një krimineli të regjur, që sot mori jetë të pafajshme në Kamëz. Një ngjarje e rëndë, që mund të ishte shmangur nëse autori do të ishte në burg nga sistemi i drejtësisë në të shkuarën për skendën e tij kriminale. Edhe njëherë Policia e Shtetit dëshmoi profesionalizëm dhe bëri detyrën duke çuar prapa hekurave autorin, që nuk duhet më kurrsesi t’i shpëtojë ndëshkimit më të ashpër të drejtësisë. Ngushëllime familjeve të viktimave", shkruan Çuçi. 

Pasi vrau 3 gra, del FOTO e Dan Hutrës me pranga. 

Nëna e 31-vjeçares Etleva Kurtit, e cila u qëllua për vdekje në oborrin e banesës së saj ka rrëfyer për oficerët e policisë se në momentin kur ndodhi krimi ka qenë nga pas banesës duke punuar. Ajo është shprehur se ka dëgjuar krisma të forta dhe kur ka dalë ka parë gocën përtokë.

“Isha duke punuar nga pas shtëpisë kur dëgjova disa krisma. Kur dola para shtëpisë pashë gocën përtokë të vrarë”, ka rrëfyer nëna e viktimës, e cila sipas mediave ndodhet në gjendje të rënduar psikologjike.

Pas 7 orësh në arrati, është arrestuar Dan Hutra autori i vrasjes së 3 grave dhe i plagosjes së 3 të tjerave sot në Tiranë. Ai u kap në zonën e landfillit. 

Marjana Gurakuqi, 40-vjeçarja që u plagos me thikë në Astir ka treguar se ka pasur njohje të mëparshme me autorin Dan Hutra. Ky i fundit i ka shkuar në biznes në Astir dhe i ka kërkuar lekë.

Sipas gruas, i merrte shpesh herë lekë borxh. Por duke qenë se këtë herë kishte refuzuar t’i jepte, 40-vjeçari e plagosi atë me thikë. Fillimisht Gurakuqi nuk ka bërë kallëzim për plagosjen por kur ka shkuar në spital, mjekët kanë njoftuar policinë. Gurakuqi ka pranuar se me thikë e plagosi Dan Hutra.

Report Tv me gazetaren Keti Banushi ka mësuar të tjera detaje nga vrasja në Kamzë e Etleva Kurti. Ka qenë dëshmia e një 6-vjeçareje e cila ka çuar policinë se autor ësht Dan Hutra. Mësohet se 6-vjeçarja ka parë të gjithë skenën dhe ka deklaruar se autori ka qenë me makinë të zezë dhe tullac.

Ish gruaja dhe nëna e saj që u plagosën nga Dan Hutra sot në Paskuqan janë në gjendje të qëndrueshme shëndetësore. Ato po mbahen nën trajtim intensiv nga stafi mjekësor në spitalin e Traumës.

Dan Hutra, autori i dyshuar i vrasjes së 31-vjeçares Etleva Kurti në Kamëz dyshohet se ka pasur histori dashurie me të. Burime bëjnë me dije se e reja e braktisi kur ai ra në burg për vrasjen e gruas së tij të parë.

Report Tv sjell foto nga banesa ku 31-vjeçarja Elteva Kurti u ekzekutua ditën e sotme. Sipas fqinjëve, Etleva jetonte vetëm me nënën, për shkak se vëllezërit ishin larguar prej frikës së gjakmarrjes.

 Report Tv mëson se 3 vrasjet e ndodhura sot, 2 në Paskuqan dhe 1 në Kamëz, janë kryer nga e njëjta dorë. Pra pista e hetimit është që vrasjet të jenë kryer nga Dan Hutra, i cili është ende në kërkim.

Gjykata e Shkallës së Parë së Tiranës e ka liruar nga qelia Dan Hutrën, 2 ditë pasi “Apeli”  e ka lënë në burg. Hutra ka pretenduar se ish gruaja e ka falur për dhunën e ushtruar.

Vladimir Kurti i dënuar përjetë ka reaguar pas lajmit se e motra e tij Etleva Kurti është ekzekutuar në oborrin e banesës së saj në Kamzë. Por ndryshe nga çfarë është perceptuar nga mediat si pistë hetimi, Vladimir Kurti thotë se në fakt e motra e tij është vrarë nga Dan Hutra, vrasësi i masakrës së Paskuqanit ku vrau 2 persona dhe plagosi 3 të tjerë. Ai thotë se këto dyshime i lidh me faktin se është kërcënuar disa herë prej tij në burg dhe kishte tentuar disa herë ta vriste.

“Dyshoj sepse kemi pasur përplasje këtu në burg me të. Gjatë gjithë kohës jemi ngacmuar Janë shumë ngjarje që si lidh dot.  Ishte tipi agresiv. Ai kishte paguar dy tre herë për të vrarë motrën por e kanë refuzuar… ka tentuar të më vrasë edhe mua në burg, edhe motrën time.  Më ka kërcënuar, kishte tentuar shumë herë të më vriste edhe këtu.”- tha vëllai, Vladimir Kurti.

Pak para se të kryente vrasjen në Paskuqan, Dan Hutra ka qëllua me thikë një 40 vjeçare.

“Tiranë/Informacion paraprak. Më datë 01.03.2023, rreth orës 12:15, është paraqitur për të marrë ndihmë mjekësore në spital, shtetasja M. G., 40 vjeçe, e dëmtuar me mjet prerës, e cila ndodhet jashtë rrezikut për jetën.

Dyshohet se kjo shtetase është dëmtuar me mjet prerës, në zonën e quajtur "Astiri”.

Po punohet për identifikimin dhe kapjen e autorit të dyshuar”, njofton Policia.

Një nga viktimat që u vra nga Dan Hutra është nusja e shtëpisë (gruaja e vëllait të ish bashkëjetueses së Hutrës) kishte vetëm një muaj që ishte martuar.

Etleva Kurti është ekzekutuar mesditën e sotme në Kamzë në rrethana ende të paqarta nga ana e policisë. Por referuar fqinjëve, janë dëgjuar 3 krisma. Fqinjët thonë se Kodra ka probleme hasmërie, pasi vëllai i saj është dënuar përjetë. Pavarësisht kësaj, fqinjët thonë se familja nuk ruhej. Ajo jetonte me nënën e vetë dhe u vra në oborrin e shtëpisë së saj.

“Kam parë një makinë kur ka kaluar ishte e zezë. Armët i dëgjuam. Ishin 3 plumba, 3 kërcitje.

Ka pasur probleme hasmërie, është i dënuar me burg përjetë vëllai i gocës. Vëllezërit kanë ikur.  Kjo jetonte me nënën. Nuk janë ruajtur asnjëherë.”- thotë fqinji.

Autori Dan Hutra që ka vrarë me armë zjarri 2 familjarë të bashkëjetueses Elena Hysën, ka pasur konflikte te vazhdueshme me të.

Elena Hysa është larguar nga banesa e tij nga sherret dhe ai ka shkuar në banesë për t’i kërkuar lekët e shpenzimeve që kishte bërë për të, rreth 500 mijë lekë të reja.

Menjëherë në atë kohë është thirrur policia e zonës që e ka arrestuar dhe aty kjo ka marrë urdhër mbrojtje. Edhe vetë Elena Hysa njihet si problematike pasi është akuzuar për mashtrim.

Etleva Kurti u ekzekutua sot për gjakmarrje. Ajo është motra e Vladimir Kurtit, i dënuar me burgim të përjetshëm për vrasjen e Agim Buci. Kjo ngjarje ka qenë e dyshuar fillimisht se erdhi një tentativë grabitjeje, dhe u dënuan nga  shkalla e parë e gjykatës dy autoret e dyshuar, të arrestuar me herët Vladimir Kurtin dhe Rruzhdi Hoden, pati një zhvillim të bujshëm nëntorin e kaluar kur njëri prej të dënuarve deklaroi se mori para për të bërë vrasjen.

Në një seancë në Gjykatën e Apelit Tiranë, një nga autorët, përkatësisht Vladimir Kurti ka pranuar që te bashkëpunojë me drejtësinë duke dëshmuar para gjykatës se vrasja e Agim Bucit nuk ishte si pasoje e grabitjes, por ata ishin të paguar për ta vrarë Agim Buçin nga Albert Zaja, dhe ai nuk ka folur me herët për këtë fakt, pasi ishte i frikësuar nga një hakmarrje e mundshme.

Dan Hutra, 40-vjeçari i cili bëri masakër sot në Kodër-Kamëz, ku vrau me armë zjarri, Mevlute Hysën 30 vjeçe, (motrën e ish-bashkëjetueses së tij) dhe Hasime Dafku 30 vjeçe, (e fejuara e vëllait të ish-bashkëjetueses) si dhe plagosi Elena Hysën dhe Kujtime Hysën, është një personazh i njohur për drejtësinë me të shkuar të rëndë kriminale, i dënuar e akuzar për një sërë krimesh.

Në 2007, Dan Hutra është dënuar pasi ka vrarë me armë zjarri ish-gruan Dafina Havalja, të cilën e kishte ekzekutuar me dy goditje me thikë në zemër e mëlçi.

“Po, une e kam vrare gruan time, Dafinen, me thikë. Jemi grindur dhe më pas e kam goditur, por gjithçka e kam bërë pa vetedije”, ka dëshmuar asokohe Dan Hutra.

Por Hutra kishte qenë i dënuar edhe në vitin 2003, pasi kishte marrë peng kunatën e kishte përdhunuar kunatën tjetër. Ndërkohë në vitin 2014 në qelinë ku vuante dënimin në burgun në Drenovës, kishte futur disa sharra hekuri.

Dan Hutra, autor i masakrës së sotme, ishte arrestuar në qershor të vitit 2022 për dhunë në familje, por ishte lënë i lirë më 16 shkurt 2023.  Dan Hutra është i lirë, i armatosur dhe i rrezikshëm. 

Gazetarja e Report Tv Ledina Jakimi ka siguruar një foto ekskluzive nga brenda banesës ku një prej viktimave ndodhet ende në vendngjarje. Dan Hutra u fut në banesën e ish gruas dhe i ekzekutoi 2 familjarë dhe i plagosi 3 të tjerë.

Kjo është makina tip 'Benz C-class' e Dan Hutrës, 40 vjeçarit që ditën e sotme vrau dy gra dhe plagosi dy të tjera me armë zjarri. Mësohet se menëjherë pasi kreu krimin e rëndë, 40 vjeçari është larguar me automjetin e tij me targa 'AA 531 UK'.

40-vjeçari Dan Hutra vrau motrën dhe të kunatën e ish gruas, ndërkohë që ka plagosuyr ish gruan dhe nënën e saj.

“Më datë 01.03.2023, rreth orës 12:30, në rrugën "Rustem Haklaj", në Kodër-Kamzë, shtetasi Dan Hutra, rreth 40 vjeç, ka plagosur me armë zjarri shtetaset Elena Hysa, 35 vjeçe, dhe Kujtime Hysa, 60 vjeçe (ish-bashkëjetuesja  e tij dhe nëna e saj) dhe ka vrarë me armë zjarri shtetaset, Mevlute Hysa 30 vjeçe, (motra e ish-bashkëjetueses së tij) dhe Hasime Dafku 30 vjeçe, (e fejuara e vëllait të ish-bashkëjetueses).  Autori i dyshuar është shpallur në kërkim dhe vijon puna për kapjen e tij. Do të ndajmë me publikun foton e autorit të dyshuar dhe mirëpresim çdo informacion për vendndodhjen e tij. Autori i dyshuar është arrestuar për dhunë në familje në datën 16.06.2022, dhe është liruar me datë 16.02.2023.  Më parë, ai ka qenë i dënuar për vrasjen e bashkëshortes së tij, ngjarje e ndodhur në vitin 2007, në Kukës”, thotë policia.

Dan Hutra, autori i krimit në familje të ndodhur në Tiranë kishte vetëm 12 ditë që kishte dalë nga burgu pasi ishte vënë në pranga pikërisht për dhunën ndaj ish bashkëshortes së tij, e cila mbeti e vdekur ditën e sotme pas të shtënave me kallashnikov.

Njëra prej të afërmeve të familjes ku ndodhi krimi i rëndë në Tiranë ka bërë me dije se Dan Hutra dhe Elena Hysa kishin rreth 8 muaj që ishin ndarë sepse autori i ngjarjes ishte i dhunshëm.

“Kanë 7-8 muaj që ishin divorcuar. Kanë një gocë të vogël 4 muajsh. Nuk di asgjë tjetër, unë kam parë në televizor dhe kam ardhur. Nuk na ka bërë vaki ndonjëherë kjo gjë, kemi qenë familje e madhe atje. Babain e vajzës e kam kushëri. Ai ishte i dhunshëm, ishte me të meta mendore, se ajo goca ka qenë shumë e mirë”- u shpreh njëra prej të afërmeve të familjes ku ka ndodhur krimi i rëndë.

Elena Hysa është njëra prej të plagosurave në ngjarjen e rëndë që tronditi Paskuqanin ditën e sotme. Mësohet se Elena Hysa është ish bashkëjetuesja e Dan Hutrës i cili hyri me kallashnikov në shtëpinë e familjarëve të Elenës dhe hapi zjarr duke lënë të vdekur dy gra dhe duke plagosur edhe të ëmën e ish bashkëjetueses së tij. 

Personi që shihni në foto është Dan Hutra, i cili ka hyrë me kallashnikov në shtëpinë e familjarëve të ish-bashkëjetueses së tij dhe ka hapur zjarr duke lënë të vdekur 2 persona dhe duke plagosur 2 të tjerë në zonën e Paskuqanit. 

Report Tv sjell pamjet nga vendi i ngjarjes ku ndodhi vrasja e rëndë në zonën e Kthesës së Kamzës në Tiranë, ku 40 vjeçari, Dan Hutra ka vrarë 2 persona dhe ka plagosur 3 të tjerë.

1 grua e vdekur dhe 2 persona të plagosur janë paraqitur te Spitali i Traumës si pasojë e krimit të rëndë brenda familjes të ndodhur në Paskuqan para pak minutash

Mësohet se Dan Hitro është autori ngjarjes së sotme të ndodhur në Tiranë ku pas të shtënave me armë në shtëpinë e familjarëve të gruas së tij, la të vdekur 2 persona dhe plagosi 2 të tjerë. 

Report TV mëson se dhëndri ka qëlluar me armë zjarri drejt familjes së gruas së tij. Nga të shtënat mësohet se të vdekur kanë mbetur 2 persona.