Referendumi i 23 majit, ku demokratët do të votojnë si kandidat për kryetar të Partisë Demokratike vetëm Sali Berishën nuk do të ketë surpriza, por ai do të shtyjë përkohësisht betejën për rrëzimin e Edi Ramës.

Nga SPAK ku ishte në zbatim të masës detyrim paraqitje për aferën “Partizani” kreu i PD tha se deri në qershor, energjinë e opozitës do ta marrë procesi i zgjedhjeve të brendshme.

Megjithatë, premtoi se protesta e radhës do të mbahet në fillim të qershorit, pa specifikuar një datë.

“Në mënyrën më të fuqishme do të vazhdohet me protesta, por siç e dini nga sot deri më 30 maj janë dy ngjarje të mëdha, referendumi për votëbesimin e kryetarit dhe Kuvendi Kombëtar. Këto janë procese që kërkojnë punë, përgatitje teknike. Ditët më të para të qershorit do të jetë kryengritja paqësore më e fuqishme që ka njohur Shqipëria!”, tha Berisha.

Për garën e PD, Berisha ka përjashtuar kandidatët që kanë shprehur ambicien si Ervin Salianji, Evi Kokalari, Alesia Balliu, Vladimir Mulaj e Mereme Sela. Zgjedhjet për kryetarin e PD mbahen të shtunën e ardhshme ndërsa fushata, që ka nisur më 15 maj, po zhvillohet në heshtje.

Ndërkohë më 30 maj, do të mblidhet Kuvendi Kombëtar për rishikimin e statutit të PD-së, që deri më tani grupi i punës nuk ka nxjerrë asnjë propozim nga të djathtët.

P.J/A.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Maj, 10:01

    PS e PD miratojnë rezolutë, besoni se do anëtarësohemi në BE deri në 2030?

Lajme të tjera