POP 5

Lajmet më të lexuara të 5 minutave të fundit

Politikë

Berisha non grata, nis gjyqi në Londër! Reagon Home Office: Partnerë të Shqipërisë, por kundër kriminalitetit dhe korrupsionit

Nis në Gjykatën e lartë të emigracionit në Londër gjyqi për padinë e Sali Berishës ndaj Ministrisë së Punëve të Brendshme të Britanisë së Madhe, Homë Office që i ndalon hyrjne në Angli pasi u shpall non grata nga SHBA për lidhje me krimin dhe korrupsion.

Gjykata e lartë e emigracionit në Angli, SIAC (Komisioni Special i Apeleve të Emigracionit) ka nisur shqyrtimin e kërkesës së Sali Berishës i shpallur non grata nga SHBA edhe nga Anglia për korrupsion dhe lidhje me krimin në vitin 2022 kundër Ministrisë së Punëve të Brendshme të Britanisë së Madhe.

Prej 19 marsin dhe në 20, 21, 22 mars kjo gjykatë do të shqyrtojë çështjen që përfaqësohet nga kompania avokatore londineze Zaiwalla and CO së bashku me përfaqësuesin ligjor Ferguson Randolph KC. Ata do të paraqesin argumentet në gjykatë për vendimin që ndalon hyrjen e Sali Berishës në Angli.

Në çelje të procesit mbrojtja e Berishës, deklaroi se “kjo është një çështje e jashtëzakonshme mes një udhëheqësi të një opozite dhe një vendi Europian. Vendimi për zotin Berisha u mor vetëm bazuar në pretendime të mediave të huaja’.

Sipas mbrojtjes së ish-kryeministrit sot nën arrest shtëpie, -‘në asnjë rast, nuk është dënuar për ndonjë vepër penale në Shqipëri dhe se ai me forcë mohon akuzat për korrupsion apo aktivitete kriminale’.

Ndërkohë pala e paditur Ministria e Punëve të Brendshme Home Office deklaroi se: “Qeveria e Britanisë së Madhe ka si prioritet sigurinë e vendit dhe e bën këtë edhe duke promovuar sigurinë, prosperitetin dhe shtetin ligjor në të gjithë botën. Britania e Madhe ka qenë një partnere e Shqipërisë duke e mbështetur në llogaridhënien dhe ndërmarrjen e veprimeve konkrete kundra kriminalitetit dhe korrupsionit”.

Home Office thotë po ashtu se do të ishte e tepërt të komentonim më tej pasi procesi në gjykatë është në vijim. Britania e Madhe nuk i bën publike emrat e të shpallurve non grata por vetë Berisha e bëri publike në një konferencë për shtyp bëri publik këtë vendim që erdhi pas atij të shpalljes non grata nga sekretari amerikan Antony Blinken. Aktualisht ish kryeministri Sali Berisha ndodhet nën masën e sigurisë arrest shtëpie për aferën e privatizimit të ish kompleksit partizani.

M.Q./B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Opozita jugkoreane me mocion për shkarkimin e ushtruesit të detyrës së presidentit

Opozita jugkoreane me mocion për shkarkimin e ushtruesit të detyrës së presidentit

26 Dhjetor, 09:13