Mero Baze: Berisha paralajmëron Bashën siç paralajmëroi Sekretarin Blinken dhe ambasadoren Yuri Kim

Mero Baze: Berisha paralajmëron Bashën siç paralajmëroi Sekretarin Blinken dhe ambasadoren Yuri Kim

Ambasadorja e SHBA-së, Yuri Kim dhe Sali Berisha

Lulzim Bashës dhe Enkelejd Alibejt po i ndodh pa k a shumë si Sekretarit Blinken apo ambasadores Yuri Kim me Sali Berishën.

Basha dhe Alibej të dy të janë ndër ata deputetë që kanë deklaruar qartë që nuk shkojnë në mitingun e Sali Berishës pasi i shërben përçarjes së opozitës dhe interesave familjare të Berishës. Pas kësaj Sali Berisha i ka kërcënuar Lulzim Bashën dhe Enkelejd Alibej të mos shkojnë në protestë më 7 Korrik, duke nënkuptuar linçimin e tyre. 

Në fakt që të dukej më vizionar duhet të fuste në listë dhe dhjetëra deputet të tjerë që kanë deklaruar se nuk do të shkojnë pasi kështu do të dukej me e plot lista e atyre që nuk do ishin në protestë, dhe do të quhej që nuk i “qasi” Berisha jo se nuk donin.

Është pak a shumë si ajo që i ka ndodhur me Sekretarin Blinken me të. Pasi ai e damkosi si minues i demokracisë, si i përfshirë familjarisht në korrupsion madhor dhe shantazhues i sistemit të drejtësisë, ky e hodhi në gjykatë dhe deklaroi se nuk shkon në SHBA , pa i kërkuar falje Blinkeni. Në fakt problemi që ka nuk është se nuk i kërkon falje zoti Blinken, por se nuk shkon dot më familjarisht në SHBA.

A thua se e ftoi dikush në SHBA, apo akoma më keq e ftoi Sekretari Blinken po ky nuk shkon pa i kërkuar falje.

Njësoj dhe me ambasadoren Yuri Kim. Pasi ajo deklaroi distancën zyrtare të ambasadës së SHBA me personat e shpallur “a non grata” dhe akoma më keq i paralajmëroi se nuk mund të hanin bar, për Sali Berishën, ky deklaroi se nuk ka për ta takuar kurrë ambasadoren Yuri Kim se është vegël e Sorosit dhe Edi Ramës.

Problemi nuk është se nuk ka për ta takuar ky por  se nuk e takon ajo.

Kështu është dhe rasti i Luzlim Bashës dhe Enkelejd Alibej. Ata e kanë deklaruar që nuk i shkojnë në miting. Bashkë me të dhe shumë deputetë të tjerë të opozitës. Tani ky meqë nuk i bindi dot të shkojnë po bën si i fort para grave të PD, për të treguar që nuk i pranon.

Dhe këtë e bën për një miting të cilin në fakt e mbledh pikërisht për të pritur në shesh vendimin e Gjykatës për të cilën dyshon se mund ta fitoj Lulzim Basha. Duke e pritur atë në shesh, duke mallkuar Bashën, Alibej, Bardhin etj, ai po ja jep të plot identitetin mitingut të 7 Korrikut si miting antiopozitar që vulos përçarjen historike të saj. 

Dhe në këtë pikë e ka gjithë simpatinë e Edi Ramës. Duhet ta mirëkuptoj se ai nuk flet dot, pasi e ka të ndaluar të shpreh simpati për “a non gratat”, por nderin sidoqoftë ja di.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rikthimi i PD-së me protesta në shtator, a do ta forcojë politikisht?



×

Lajmi i fundit

7 gjyqtarët që ‘përvëluan’ Berishën duke rihapur e dosjen e Gërdecit, rrëzuan Mediun dhe mbështetën SPAK, rol kyç Saida Dollani, Vitore Tusha e Elsa Toska

7 gjyqtarët që ‘përvëluan’ Berishën duke rihapur e dosjen e Gërdecit, rrëzuan Mediun dhe mbështetën SPAK, rol kyç Saida Dollani, Vitore Tusha e Elsa Toska