POP 5

Lajmet më të lexuara të 5 minutave të fundit

Politikë

DOKUMENTI/ Berisha prej vendimit të Zhukrit sillet si kryetar, por në Gjykatën e Tiranës figuron ende Basha! Të gjithë, përveç ish-Kryeministrit, presin Apelin

Ndonëse Sali Berisha sillet si drejtues i PD dhe e ka marrë të mirëqenë faktin se sipas tij Komisioni i Rithemelimit është një organ legjitimin dhe vendimet e tij janë të detyrueshme për zbatim, në Gjykatën e Tiranës rezulton ende Lulzim Basha si kryetar i Partisë Demokratike.

DOKUMENTI/ Berisha prej vendimit të Zhukrit sillet si kryetar, por në Gjykatën e Tiranës figuron ende Basha! Të gjithë, përveç ish-Kryeministrit, presin Apelin

Luzlim Basha dhe Sali Berisha

TIRANË- Ndonëse Sali Berisha sillet si drejtues i PD dhe e ka marrë të mirëqenë faktin se sipas tij Komisioni i Rithemelimit është një organ legjitimin dhe vendimet e tij janë të detyrueshme për zbatim, në Gjykatën e Tiranës rezulton ende Lulzim Basha si kryetar i Partisë Demokratike. Komisioni i Rithemelimit prej datës 25 marsit ka marrë kontrollin e selisë së PD-së, por gjykata nuk e njeh atë ligjërisht. Shqiptarja.com ka siguruar dokumentin, i cili mban datën e sotme dhe Gjykata e Tiranës sqaron se partia drejtohet nga Basha.  

Gjykata e Tiranës ende nuk ka regjistruar vendimin e gjyqtarit Agron Zhukri i cili njohu ndryshimet statutore të Sali Berishës, pasi vendimi i tij është apeluar nga PD dhe ende nuk është dhënë një vendim i formës së prerë. Pritet që Gjykata e Tiranës të japë një vendim nëse do të pranohet apo jo ankimi i Enkelejd Alibeaj.

Kjo  mund të jetë edhe arsyeja sepse diplomatja amerikane Yuri Kim e njohu publikisht Enkelejd Alibeajn si kryetar në detyrë i Partisë  Demokratike.

Nga ana tjetër, Komisioni i Rithemelimit thotë se ky ankimin është i pavlefshëm, pasi nënkryetarët dhe kryetari i PD-së janë shkarkuar nga Kuvendi i 11 dhjetorit. Madje, Sali Berisha ditën e sotme sulmoi ambasadoren amerikane Yuri Kim hapur për faktin se ajo e quajti një ditë më parë Enkelejd Alibeajn kryetarin në detyrë të PD-së. Berisha deklaroi se Kim po shkel Konventën e Vjenës si edhe Kushtetutën e Shqipërisë. Duke e quajtur Kim guvernatore dhe jo ambasadore, Berisha tha se nuk e përcakton ajo kryetarin e partisë.

Kujtojmë që Gjykata e Tiranës më 25 mars regjistroi ndryshimet e Berishës në Statutin e Partisë Demokratike, të bëra në Kuvendin e 11 dhjetorit 2021. 

Dokumenti që tregon se Luzlim Basha drejton Partinë Demokratike

SI.E./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Drini: 06/04/2022 16:40

    Me vjen mire qe po i jetoj keto dite e qe po shoh sesi po cmendet Sali Sheqere Berisha.

    Përgjigju
  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Delvinë/ Autobusi dhe një furgon digjen gjatë natës, shkrumbohen nga flakët

Delvinë/ Autobusi dhe një furgon digjen gjatë natës, shkrumbohen nga flakët

25 Prill, 11:06