Berisha sulmon mazhorancën: Thoni rroftë drejtësia se po ju mbyll dosjet, sot është dita e turpit

 

Nga foltorja e Kuvendit Sali Berisha  ka hedhur akuza në drejtim të drejtësisë si dhe ministrit të drejtësisë Ulsi Manja. Sipas Berishës drejtësia për të cilën mazhoranca është krenare është sepse ajo drejtësi po u mbyll dosjet.

'Ulsi, krimi yt do të ndëshkohet e do të të ndjekë gjithë jetën. Kjo është dita e turpit jo e drejtësisë! Ulusi, krimi elektoral i yti do ndëshkohet, do të të ndjekë gjithë jetën. Ja po ta them këtu. Ty, se 10 herë më mirë të ishte Ymer Lala në atë vend, se sa ti, të jesh i qartë. Është më i sinqertë ai, se ti je dhe hipokrit.

LEXO EDHE:
Dash Sula: Kam bojkotuar mbledhjet e grupit! Berisha, Meta dhe Basha figura të konsumuara, i japin Ramës fitoren e radhës

Ndaj edhe, kjo nuk është dita e drejtësisë, çfarë të themi, si mund të jetë dita e drejtësisë. Kjo është dita e turpit! Merret dhe arrestohet Gjushi, po Erion Veliaj më thoni pak, a nuk është Erion Veliaj shumëfishi i Gjushit? A nuk është Erion Veliaj njeriu që po tradhton qytetarët e Tiranës. 18 euro më shumë për djegësin e tij që nuk ekziston mbi tokë. A nuk është Erion Veliaj që thoshte SKAP-in e kam në dorë, dhe do t’ia vërsul Dukës së futbollit?

A nuk është Erion Veliaj që i dalin pallatet brenda natës. Është, apo jo? I Abren Malokut, e tjetrit, tjetrit me radhë. Në cilën drejtësi  vini këtu në parlament, më thoni ju mua? Ç’lidhje keni ju me drejtësinë? Absolutisht që të gjithë jeni kontigjent me 313 me veprat tuaja që keni kryer. Prandaj edhe bërtisni: rroftë drejtësia! Se për ju dosjet mbyllen, se për ju nuk ka dosje, se për ju nuk guxojnë.'- tha Berisha.

Lajmi kryesor:

Berisha përplaset me mazhorancën në Kuvend: Drejtësia i shërben qeverisë së korruptuar! Spiropali: Sali ke frikë, të rëndojnë vrasje e grabitje

M.Q./KT/Shqiptarja.com

TAG:
• kuvendi
• elisa spiropali
• sali berisha