Sali Berisha sulmoi SPAK pasi u paraqit për masën detyrim paraqitjeje për aferën Partizani, i pandehur bashkë me dhëndrin e tij Jamarbër Malltezi. Berisha duket se hoqi dorë nga emri ‘SKAP’, duke thënë se nga sot do t’ia ndryshojë emrin Prokurorisë së Posaçme dhe do ta quajë Avokatura Speciale e Kryeministrit Kriminel Edi Rama (ASKKR). Sipas tij, Prokuroria e Posaçme ka nisur të lëshojë edhe partinë dhe merret vetëm me mbrojtjen e ‘padrinos’, siç ai quan Ramën.

“Të dashur qytetarë dhe qytetare që ndiqni këtë konferencë të mbajtur para këtij institucioni, të cilin që sot e tutje do ta pagëzojmë Avokatura Speciale e Kryeministrit Kriminel Edi Rama. Mos e harroni pra, ASKKR. I ndërrohet emri, nuk quhet më Skapi i partisë, por tani edhe partinë ka filluar ta lëshojë, por merret vetëm me mbrojtjen e Padrinos të Shqipërisë”, tha Berisha.

Para gazetarëve, lexoi edhe shënimin që la për prokurorin Altin Dumani.

“Lashë në zyrën e tyre këtë shënim: ‘Altin Troplinit, Gjokës, Hajrit, tani i shtohet edhe Ramës, Altin Rama, po, armikut të egër të pluralizmit politik dhe votës së lirë të shqiptarëve, drejtësia vonon, por nuk harron. Sali Berisha”, vijoi Berisha.


Lajmi kryesor:

Berisha nuk përjashton as Veliajn e Spiropalin nga ftesa për të larguar Ramën: Fytyrat në Asamblenë e PS-së akuzonin ‘Padrinon’