Berisha: Xhaçka ka lumturuar burrin me prona në Dhërmi! I përgjigjet ministrja: Nuk ka përfituar asnjë centimetër katror tokë nga shteti shqiptar

Sali Berisha ka akuzuar ministren e jashtme, Olta Xhaçka se ka përdorur postin e saj për të pasuruar bashkëshortin me prona në Dhërmi. Menjëherë ka ardhur edhe replika e ministres duke thënë se bashkëshorti i saj nuk ka përfituar asnjë centimetër tokë nga shteti shqiptar.

"Më lejoni t'iu them diçka zonja të nderuara, vetëm njëra ka superbashkëshort, madje bashkëshort strategjik, quhet strategjik se e ka lumturuar të shoqin me prona në Dhërmi. E ka lartësuar në nivelin e investitorit strategjike", tha Berisha.

LEXO EDHE:
Sali Berisha thyen sërish masën e arrestit shtëpiak, pret në banesë ish-kryeministrin turk, Ahmet Davutoglu

"Bashkëshorti im s’ka përfituar asnjë cm2 tokë nga ky shtet. Dhe si për çdo biznesmen që punon me djersë e riskon në këtë vend, unë jam krenare për burrin tim, po gruaja juaj, është krenare për ju? Berisha, je shëmbëlltyrë e vdekjes politike që i ulërin dëshpërimi i vulës së fatit të vet. Fatin e ke shkruar vetë me duart e përgjakura të pushtetit tënd politik. Vulën ta ka vënë aleati ynë strategjik", tha Xhaçka.

Lajmi kryesor:

Debate brenda PD shkojnë në Kuvend! Rithemelimi kërkon që të flasë në emër të PD, Felaj ndërpret Berishën! Noka: Kush je ti! Alibeaj: Të respektohet lista e deputetëve që kam çuar për të folur

SI.E./Shqiptarja.com

TAG:
• sali berisha
• olta xhaçka
• pandeli majko
• kuvend