POP 5

Lajmet më të lexuara të 5 minutave të fundit

Politikë

Beteja e re në kuvend/ Në shtator Berisha me grup të vetin parlamentar! ‘Sfidë’ me Bashën kush dominon deputetët demokratë

Me nisjen e sesionit të ri parlamentar më 4 shtator, PD do të shkojë për të tretin vit e ndarë. Sali Berisha tashmë ka paralajmëruar grup të vetin parlamentar bashkë me deputetët e përjashtuar nga grupi i PD. 

Shprehja shkoi vapa me gushtin nuk do të vlejë për demokratët, të cilët të ndarë në 3 kampe, rikthimin në parlament më 4 shtator do ta kenë me hallet e vjetra se kush ka dominancën në grupin parlamentar dhe sesi do të ndahen deputetët mes Sali Berishës, Lulzim Bashës e Gazment Bardhit.

Më të vështira, pozitat i ka Sali Berisha, i cili pas dy vitesh i përjashtuar nga grupi parlamentar, tashmë pas vetes me një grup deputetësh të përjashtuar po mendon të formojë grupin e tij në Kuvend.

Skenarët janë 2. Ose ai të formojë grupin parlament vetëm me deputetët e përjashtuar nga PD e të bashkojë rreth këtij grupi edhe deputetët e Partisë së Lirisë, ose të marrë edhe ata deputetë mbështetës të Rithemelimit, që aktualisht figurojnë deputetë të PD zyrtare.

Në çdo rast, grupi i Berishës pritet të drejtohet nga Oerd Bylykbashi, i cili është nënkryetar i Rithemelimit dhe sipas statutit, zgjidhet automatikisht kryetar i grupit parlamentar.

Lulzim Basha është më komod dhe më i qartë, pavarësisht se numri i deputetëve në krah të tij është reduktuar përgjatë viteve betejë në PD, e sidomos me krisjen e fundit me kreun e grupit parlamentar të PD, Gazmend Bardhin. Pavarësisht garës për deputetë, Basha ka devijuar prioritetin në nisje të sesionit të ri të Kuvendit, tek kërkesa për ngritjen e komisionit hetimor për fondet e IPARD.

Shtatori në parlament me ndryshime gjen edhe socialistët, grupi të cilëve në sesionin e ri do të drejtohet nga Bledi Çuçi.

Ndërkohë zhvillime të rëndësishme palët presin edhe përtej oborrit të parlamentit.

PD nën drejtimin e Lulzim Bashës mbledh të shtunën e 2 shtatorit Këshillin Kombëtar ndërsa Edi Rama Asamblenë, ku me gjasë ndryshime do ketë edhe në kabinetin qeveritar.

S.G/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Rusia anashkalon sanksionet perëndimore, fillon përdorimin e Bitcoin në tregtinë ndërkombëtare

Rusia anashkalon sanksionet perëndimore, fillon përdorimin e Bitcoin në tregtinë ndërkombëtare

26 Dhjetor, 17:14