Opozita parlamentare ka ndërmarrë një nismë për ndryshime kushtetuese, në të cilën kërkohet korrektimi kombëtar i votave për partitë që kalojnë pragun 5 për qind, hapja të listave dhe heqjen e koalicioneve parazgjedhore.
Myslim Murrizi ka depozituar aktet në sekretarinë e Kuvendit dhe është në betejë për të grumbulluar 28 nënshkrime deputetësh, për t’i mbështetur ato.
Ky natyrisht do të jetë një proces i vështirë, pasi presioni i opozitës jashtëparlamentare mbi deputetët që kanë nënshkruar, është rritur.
Por befas kjo përpjekje është përballur me një agresion nga Partia Demokratike, sidomos për pikën e heqjes së koalicioneve parazgjedhore.
Në këtë pikë ka nevojë për një debat real. Nëse do të hapen listat, pra nëse do të hyjë në Parlament ai që votohet më shumë, koalicionet parazgjedhore duhet të hiqen, pasi duhet të dalë e qartë përgjegjësia e çdo partie për ata që hyjnë në listë.
Listat e hapura nuk është se sjellin mrekulli në Parlament. E vërteta është se mund të sjellin edhe më shumë banditë se sa ka, nëse në një koalicion parazgjedhor, partitë e vogla kandidojnë secila nga një bandit. Ata marrin më shumë vota se çdo intelektual aty brenda.
Katër nga deputetët që kapi ligji i dekriminalizmit, në fakt ishin deputetë të partive të vogla në koalicionet parazgjedhore.
E kuptoj që Edi Rama e Lulzim Basha mund ta mbajnë listën të pastër, por nëse ata bëjnë një tren me 40 parti, në fakt ka shumë shanse të kenë bërë një tren me 40 banditë, pa mbajtur përgjegjësi për ta.
Ndaj kërkesa për listat e hapura e ka të domosdoshme kërkesën për heqjen e koalicioneve parazgjedhore. Kundërshtimi i kësaj kërkese nga PD tregon sa fallco e kanë luftën për dekriminalizimin e politikës.
Nga ana tjetër, ambasadorët e Perëndimit që kanë mbështetur marrëveshjen PD- LSI- PS, janë të interesuar të ruhet marrëveshja e nënshkruar, por janë të hapur për debatin me opozitën parlamentare, për pika që nuk prekin marrëveshjen e miratuar.
Ndaj beteja për ndryshimet kushtetuese është në të drejtën e opozitës parlamentare. Socialistët, të cilët janë të hapur për çdo ndryshim lidhur me reformën zgjedhore, duhet t’ua plotësojnë atyre kërkesat, ashtu siç ja plotësuan Partisë Demokratike dhe LSI kërkesat e tyre.
Kërkesat e opozitës parlamentare nuk prekin atë që është arritur në marrëveshjen mes tre partive. Ato vetëm shtojnë kërkesa të reja, që e bëjnë sistemin më të hapur, më të sigurtë dhe më përfaqësues.
Reaksioni i PD dhe LSI ndaj kësaj nisme, tregon se Partia Demokratike dhe LSI, kanë qenë të vetëdijshme se mos-depolitizimi i komisioneve është e vetmja armë që ata të vjedhin votat e partive të vogla dhe të shkatërrojnë çdo prurje të partive të reja në sistem dhe ruajtja e koalicioneve parazgjedhore, është e vetmja alibi që në listë të futen elementë kriminalë, me alibinë që janë të partive të vogla.
Kërcënimet dhe shantazhet në adresë të deputetëve të mos firmosin nismën ligjore, tregojnë se PD dhe LSI, u investuan jo vetëm thjeshtë për mos ndryshimin e statukuosë, por janë gati të humbasin pushtetin e të lënë Edi Ramën kryeministër, vetëm të mos formohet opozitë e re, që t’u marrë “pushtetin” e opozitës.
Lajme të tjera
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
Protesta e Berishës, Faik Basha: Rëndësi ka cilësia, jo numrat! Haklaj: Mosbindja civile, teatër! PD bllokoi rrugët, vepër penale
25 Dhjetor, 17:47 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor, 18:31 -
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
Protesta e PD-së, Martin Leka në Report Tv: Po kthehet në rutinë, Berisha nuk ka njerëz! Përdor propagandë për të karikuar simpatizantët! Më shumë kishte policë
24 Dhjetor, 13:56
