POP 5

Lajmet më të lexuara të 5 minutave të fundit

Ekonomi

Bie me 43.3% numri i turistëve në Korrik-Shtator, INSTAT: Rënia më e madhe në rajonin e veriut

Në muajit e nxehtë të verës numri i turistëve ka pësuar një rënie me 43.3%, krahasuar me 2019. Sipas të dhënave të INSTAT si pasojë e pandemisë rënia më e madhe e vizitorëve është shënuar në rajonin verior. Sipas raportit strukturat akomoduese nuk u shfrytëzuan as 20%.

Pandemia ka përgjysmuar numrin e qëndrimeve të turistëve në vend. Sipas INSTAT, në kulmin e sezonit turistik numri i vizitorëve është ulur me 43.3% në krahasim me vitin e kaluar, dhe netët e qëndrimit u reduktuan me 44.9% për periudhën korrik-shtator.

Edhe pse ka pasur fluks pushuesish nga Kosova gjatë muajve të nxehtë, përsëri boshllëku i turistëve të huaj i krijuar nga masat kufizuese të pandemisë nuk është mbushur.

Turizmi malor, kulturor dhe historik është prekur më shumë nga masat kufizuese dhe mungesat e turistëve. Nëse për detin vera dha një dritë jeshile, për malin rënia vijoj.

Sipas të dhënave në rajonin e veriut, numri i vizitorëve ra me 57.4%, dhe të netëve të qëndrimit me 50.4%.

Gjatë tremujorit të tretë të vitit dhomat e “Hoteleve dhe akomodimeve të ngjashme” janë shfrytëzuar me 19,2 %, kundrejt 38,2 % që ishte në tremujorin e tretë 2019. Norma e shfrytëzimit të shtretërve të “Hoteleve dhe akomodimeve të ngjashme” është 18,4 %, kundrejt 43,4 % që ishte në tremujorin e tretë 2019.

Të gjitha të dhënat flasin për një panoramë të zymtë sa i tregon turizmit, kjo u dëshmua edhe nga të dhënat e Bankës së Shqipërisë, ku aktiviteti ekonomik i këtij sektori ishte më i godituri nga pandemia COVID-19.

er.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Shenjat që kanë më shumë gjasa të fillojnë një zënkë në tryezën e festave

Shenjat që kanë më shumë gjasa të fillojnë një zënkë në tryezën e festave

27 Dhjetor, 22:58