POP 5

Lajmet më të lexuara të 5 minutave të fundit

Kronikë

Biznesmeni nis dëshminë, avokati
i të pandehurve lë papritur gjyqin

Gjykata e Krimeve të Rënda shoqëroi ditën e sotme nën masa të rrepta sigurie në sallën e gjyqit Ylvi Beqajn, biznesmenin i cili ka statusin e dëshmitarit të mbrojtur  VIDEO
Biznesmeni nis dëshminë, avokati<br />i të pandehurve lë papritur gjyqin
TIRANE- Pas 10 dëshmive, Gjykata e Krimeve të Rënda ka mundur të sigurojë pjesërisht dëshminë e biznesmenit të kërcënuar, sot dëshmitar i mbrojtur, Ylvi Beqajt.
 
Beqaj akuzon se Emiljano Shullazi e ka kërcënuar me jetë duke i marrë para, ndërsa kjo akuzë është mohuar nga Shullazi dhe 4 të pandehurit e tjerë shokë të tij tashmë të arrestuar.
 
Beqaj ka dëshmuar për afro 1 orë në sallën e boshatisur ku mungonin të pandehurit dhe të pranishëm ishin vetëm trupi gjykues dhe dy avokat kryesisht një për 5 të pandehurit mes tyre dhe Shullazin dhe një avokat për vetë Beqajn.
 
Largimi në mes të seancës së avokatit kryesisht zgjedhur nga gjykata për të pandehurit është bërë shkak që seanca të shtyhet për të hënën ora 15:30.
 
Por si u zhvillua seanca e kësaj të premte?
 
Gjithçka nisi me masa të rrepta sigurie ku si asnjëherë më parë dhe gazetarët u larguan jashtë murit rrethues të gjykatës dhe Beqaj u fut në sallën numër 1 të krimeve të rënda.
 
Pak para nisjes së seancës avokati Vladimir Meçi zgjedhur nga të pandehurit paraqiti kërkesë për shtyrje seance pasi ndodhej në gjyqin e Kastriot Ismailajt, por kjo kërkesë e tij nuk u pranua nga trupi gjykues.
 
Mungonin të pandehurit mes tyre dhe Shullazi i cili një ditë më parë i është nënshtruar një ndërhyrje kirurgjikale.
 
Më pas gjykata caktoi dy avokatët kryesisht dhe për afro 1 orë e 30 nisi të sigurojë dëshminë e Beqajt.
 
Por kjo dëshmi e Beqajt e siguruar pa praninë e të pandehurve sipas mbrojtësve të zgjedhur nga të pandehur është e pavlefshme se ka qenë vetë gjykata e cila më parë ka caktuar që sigurimi të bëhet me praninë e tyre. 

Ndërkohë, “Shqiptarja.com” ka zbardhur vendimin e caktimit të masës së sigurisë për nipin e Shullazit Endrit Zelën dhe shokun Endrit Qyqjan, ku pikërisht në këtë vendim është zbardhur dhe një pjesë e deklarimeve që ka bërë në prokurori dëshmitari Beqja.

Sipas deklarimit që biznesmeni ka bërë në prokurori ai është njohur me Shullazin prej disa vitesh, pasi e ka pasur komshi, por nuk ka pasur asnjëherë biseda apo punë me të dhe anëtarët e grupit të tij.

“Emiljano Shullazi më ka vënë pistoletën në bark dhe më ka zënë prej fyti, dhe kjo ka ndodhur nëse unë nuk pranoja ti jepja sasitë e parave që ai më kërkonte, pasi kisha shitur ish-hotel Vollgën”. Kështu është shprehur para prokurorëve të Krimeve të Rënda, biznesmeni Ylvi Beqja.

faksimile ylvi beqaj

faksimile ylvi beqaj

(d.b/Shqiptarja.com)

/Shqiptarja.com
  • Sondazhi i ditës: 1 Prill, 10:16

    A e keni vendosur se për kë do të votoni më 11 maj?

Lajme të tjera



×

Lajmi i fundit

Kosovë/ Në pritje të formimit të institucioneve të reja

Kosovë/ Në pritje të formimit të institucioneve të reja

1 Prill, 15:39