Blindohet Shkodra/ Shqipëri-Turqi nën masa të rrepra sigurie në terren antiterrori

Afro 800 efektiv policie kanë blindruar prej të premtes mbrëma qytetin e shkodrës aty ku pritet që të luhet ndeshja Shqipëri-Turqi e vlefshme për Euro 2020.

Reparti Renea, Forcat e ndërhyrjes së shpejtë, drejtoria e Shkodrës dhe antiterrori janë dislokuar për të garantuar sigurinë dhe rendin gjatë ndeshjes që do të luhet në Loro Boriçi.

Dhe pse zyrtarisht policia nuk jep një shifër burime për ReportTv bëjnë me dije se janë shoqëruar për verifikim mbi 30 persona të cilët kan prirje për veprime të dhunshme dhe radikale.

Edhe më herët gjatë ndeshjeve sportive ka patur persona me prierje ekstremiste në qytetin e shkodrës ku disa u ndaluan para ndeshjes Shqipëri-Izrael.

Ndeshja pritet të nis në ora 20:45 ndërsa hyrja e tifozëve nën kontrollin e policisë dhe rrethimeve të sigurisë do të jetë prej orës 17:00 të kësaj të premte

Policia ka vendosur dhe një sërë kufizimesh ku nuk lejohet parkimi i mjeteve në akset pranë stadiumit Loro Borici si dhe lëvizjet në zonën përreth.

Rrugët ku preket qarkullimi i mjeteve duke patur herë pas herë pengesa janë:"Xhabije - Parrucë", "Sheshi 2 Prilli - Parrucë", "Kryqëzimi i ish degës - Ish 5-Heronjtë", "Kryqëzimi i Rusit - Ish 5-Heronjtë".

Po ashtu uniformat blu kanë kërkuar që bizneset në zonën përreth stadiumit të mbyllen prej orës 14.

Ekipi kombëtar turk që nga momenti i mbërritjes në rinas e përghjatë qëndrimit në hotel, dhe në përfundim të ndeshjes është nën monitorimin e repartit Renea.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Përkujtohet 80-vjetori i betejës së Margëlliçit, Balla: Askush mos guxoj të përdhosë historinë dhe të rivrasë të rënët tanë

Përkujtohet 80-vjetori i betejës së Margëlliçit, Balla: Askush mos guxoj të përdhosë historinë dhe të rivrasë të rënët tanë