Bllokimi i Vermoshit e Lëpushës nga bora, prefektja e Shkodrës për Report TV: Problem rënia e ortekëve, sapo lirohet rruga, ato e bllokojnë sërish

Prefektja e Shkodrës, Majlinda Angoni ka folur për situatën në veri të vendit ku Vermoshi, Kelmendi dhe Lëpusha vijojnë të jenë të bllokuar nga reshjet e dëborës por dhe rënia e shpeshtë e ortekëve. Në një lidhje telefonike për Report Tv, Angoni tha se akset që lidhin me Vermoshin e Lëpushën janë të bllokuara ku trashësia e dëborës arrin deri në 2 metra.

Ajo shprehet se mjetet borëpastruese dhe fadromat punojnë pa ndërprerje por rënia e ortekëve bllokon sërish rrugën.  Prefektja e Shkodrës tha se problem tjetër mbetet edhe mungesa e energjisë në Vermosh për shkak të dëmtimit të shtyllave të energjisë elektrike nga ortekët.

"Në Kelmend vazhdojnë pa ndërprerje reshjet e dëborës prej disa ditësh dhe e bëjnë të pamundur lëvizjen e automjeteve. Ortekët janë një tjetër shqetësim i madh, ku po punojnë borëpastruese dhe fadroma për të mbajtur hapur aksin që lidh me Tamarën, por në Vermosh e Lëpushë rruga është e pakalueshëm pasi trashësia e dëborës arrin deri në 2 metra. Rënie e ortekëve ka dëmtuar disa shtylla elektrike duke sjellë mungesë të energjisë, kryesisht në Vermosh. Lëpusha dhe Vermoshi momentalisht  janë të pakalueshme dhe mjetet po punojnë  24 orë për hapjen e  tyre. Rruga hapet por kur makinat kthehen kanë rënë sërish otekë që e kanë bllokuar atë sërish", tha Angoni.

Për mungesën e energjisë elektrike por edhe bllokimin e rrugëve në Vermosh e Lëpushë, një ditë më parë denoncuar në Report Tv edhe disa banorë ku thanë se gjatë një muaji dritat u kishin ardhur vetëm 3 ditë. 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni urdhrin për heqjen e pushimeve verore për policët?



×

Lajmi i fundit

Nënë e katër fëmijëve, Adriana Matoshi mahnit me formën fizike me bikini

Nënë e katër fëmijëve, Adriana Matoshi mahnit me formën fizike me bikini