Bogdani: Vendi i zhytur në varfëri
Veliaj mbi 1 milionë euro për spote

TIRANË - Partia Demokratike akuzoi kandidatin e majtë për Bashkinë e Tiranës Erion Veliaj se ka shpenzuar deri më tani mbi 1 milionë euro për spote televizive. Në një deklaratë për mediat nga selia blu, deputeti Gerd Bogdani tha se kjo situatë kërkon transparencë ndërkohë që vendi sipas tij është zhytur në varfëri.
 
Deklarata e Gerd Bogdanit
Një javë më parë, Erion Veliaj fshehu shifrat dhe gënjeu kur tha se për fushatën e tij ka një buxhet prej 108 milionë lekë të vjetra.
 
Eshtë zbuluar se deri dje, Erion Veliaj ka shpenzuar më e pakta 1 milionë e 144 mijë euro vetëm për spote televizive, sipas tarifave zyrtare që mediat kanë depozituar në KQZ.
 
Kjo shifër sa vjen e rritet, sepse Erion Veliaj çdo ditë që mbetet e shton me dëshpërim shpenzimin e tij me reklama.
 
Por asnjë ditë ai nuk po bën transparencë për miliona euro që janë hedhur, ndërkohë që vendi është zhytur në varfëri, e familjet mezi mbyllin muajin.
 
Pyetja është;
 
Nga vijnë paratë e Erion Veliajt?
 
Kush është burimi i tyre?
 
Pse nuk jep shpjegime për lidhjet me rastet e bëra publike deri tani të pastrimit të parave?
 
A janë paratë e Dzanashvillit që mbulojnë luksin elektoral të Erion Veliajt?
 
Pse është zonja e tij gjithnjë dezhurn, sa herë bëhet fjalë për pastrim parash?
 
Erion Veliaj mund të fshihet, por këto janë fakte për të cilat ai do të gjykohet pas 5 ditësh, nga qytetarët e Tiranës.
 
Sepse nuk mund t’i besojmë votën dhe të ardhmen një njeriu që punën e bazon vetëm në reklama dhe reklamën e bazon në gënjeshtra.

Redaksia Online
(Gre.M/Shqiptarja.com)

TAG:
• kqz