TIRANË - Kandidati i pavarur për Bashkinë e Tiranës, Gjergj Bojaxhi, ftoi sot në debat publik të gjithë kandidatët duke qënë se debati akoma nuk ka ndodhur.

Duke e konsideruar si një të drejtë të qytetarëve për t’u informuar, Bojaxhi mori iniciativën për të bërë këtë ftesë publike për debat.

Bojaxhi theksoi se debati mes kandidatëve është i pazevëndësueshëm me asnjë aktivitet tjetër. Ai tha se “Vetëm duke debatuar me njëri-tjetrin dhe duke ju përgjigjur pyetjeve të pa censuruara të tyre, qytetarët mund të informohen më mirë për secilin kandidat, mund të sqarojnë pikëpyetjet dhe paqartësitë për secilën alternativë. Kjo është baza për një demokraci”.

Ai u shpreh se takimet publike të parapërgatitura nuk e luajnë dot rolin e informimit të publikut. Qytetarët duhet të ballafaqohet direkt me kandidatët, pasi vetëm kështu ata do të bëjnë zgjedhje të informuar,

Redaksia Online
(a.h/shqiptarja.com)