POP 5

Lajmet më të lexuara të 5 minutave të fundit

Ekonomi

Borxhi publik i vitit 2021 do të arrijë në 10.7 mld €! Ministria e Financave: Në vitin që vjen do të ulet në 78.6%! Për 2021-shin qeveria do marrë hua në tregun e brendshëm

Borxhi publik në vitin që vjen do të jetë në nivelin e 10.7 miliardë eurove, ose sa 87.6% e Prodhimit të Brendshëm Bruto. Në vitin 2021 nuk është parashikuar të merret një eurobond i ri, por në tregjet e brendshme do të merren 403.2 milionë euro hua.

Në vitin 2021 borxhi publik është parashikuar të jetë 2.3% më i ulët se sa niveli i këtij viti. Nga 80.9% të Prodhimit të Brendshëm Bruto, vitin e ardhshëm borxhi do të zbresë ne 78.6%. Në total borxhi do të arrij në 10.7 miliardë euro, nga 10.2 miliardë që është parashikuar në aktin e tretë normativ të buxhetit të këtij viti. 

Por pavarësisht rritjes në vlerë absolute, Ministria e Financave thotë se rritja e PBB së vendit, praktikisht do të sjellë edhe ulje të borxhit.

Konkretisht sipas ligjit të buxhetit për vitin që vjen pa marrë parasysh luhatjet e kursit të këmbimit që mund të shkaktoj rritje të borxhit stoku do të jetë 1.3 trilionë lekë, nga të cilat 1.2 trilionë lekë janë borxh i qeverisjes qendrore, dhe 800 milionë i qeverisjes vendore.

Ndërsa për këtë vit ndikim në rritjen e stokut të borxhit të këtij viti kanë dhënë huat e marra për të përballuar nevojat e pandemisë COVID-19, si dhe marrja e eurobondit në vlerën e 650 milionë eurove në muajin qershor.

Për vitin 2021 qeveria nuk ka parashikuar të dalë në tregjet ndërkombëtare për borxh por do ti drejtohet tregut të brendshëm në vlerën e 403.2 milionë eurove. Në ligjin e miratuar në kuvend thuhet se në rast se do të kemi dalje për një eurobond të ri, vlera e borxhit dhe e deficitit do të rritet automatikisht. 

Ndërsa deficiti buxhetor i parashikuar në draft është 108.6 miliardë lekë, nga 132,9 miliardë lekë që do të jetë këtë vit.

/K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

26 Janar, 07:43