Ka ngjallur diskutim dhe reagim në studion e emisionit “Rreze Dielli” në Report TV, deklarata e dy ditëve më parë e kreut të shoqatës së botuesve Petrit Ymeri i cili foli për mungesën e mbështetjes institucionale në organizimin e edicionit të 21-të të librit në kryeqytet që hapi dyert një ditë më parë. Botuesja Arlinda Dudaj u shpreh kritike ndaj organizatorëve të cilët, sipas saj e kanë shndërruar panairin në një lloj tregu të librit, por kjo nuk mjafton për të afruar lexuesin.
Mbështetja e institucioneve sigurisht që duhet, por për çfarë duhet? Ne kemi 21 vjet dhe unë di që ka raste kur është mbështetur panairi, por unë njësoj e kam paguar çmimin, kam paguar 70 euro për metër katror. Mua nuk më bën asnjë diferencë këtu. Dhe Petrit Ymeri apo organizatorët e tjere nuk është se kanë bërë ndonjë gjë speciale për ta promovuar sepse mbështetja duhet dhënë për të promovuar libra, për të ftuar shkrimtarë. Ne s’kemi shkrimtarë të ftuar, janë vetëm shkrimtarët shqiptarë, por janë shtëpitë e tyre botuese që i marrin përsipër. Një panair libri funksionon jo thjesht si tregje, se dakord njerëzit blejnë, i shohin gjithë librat nëpër vitrina së bashku, por panairi duhet të jetë për të promovuar.
Arlinda Dudaj, botuese
I të njëjtit mendim, sa i përket afrimit të lexuesit me shkrimtarët, ishte edhe kritiku Agim Baçi, i cili u shpreh se panairi i librit duhet të shndërrohet në një vend diskutimi e debati pikërisht për gjithë sfidat që kanë lexuesit dhe botuesit.
Këtu flitet për mundësinë për ta kthyer panairin në një vend debati. Ka një lloj risie këto 2-3 vitet e fundit sikur ka ndryshuar pak por gjithësesi unë kam këmbëngulur që panairi të mos jetë një librari me shumicë por një debat me shumicë. Pra ti kushtojmë më shumë vëmendje debatit, botimit apo promovimit. Kur them debat, përshembull, nëse problemi më i madh është çështja e mos leximit, atëherë duhet të ishin bërë disa sesione se si mund të inkurajojmë leximin. Unë besoj që edhe shkrimtarët e sotëm duhet të jenë pjesë e këtij lloj debati, pra marrëdhënia e tyre me lexuesin, ku hasin vështirësi botuesit, si mund ti kërkojmë llogari Ministrisë së Kulturës, cili mund të jetë roli më i madh i shoqatës së botuesve, cili mund të jetë kombinimi i librarive dhe leximit online apo kush mund të jenë lehtësirat që taksat të mos rëndojnë librin por ta lehtësojnë atë, për shkak të një tregu që ka një specifikë krejt të veçantë nga të gjithë bizneset e tjera. Kështuqë unë besoj se ne duhet të fokusohemi pikërisht tek kjo gjë.
Agim Baçi, kritik
Sipas botueses Dudaj, nuk janë institucionet që duhen fajësuar për mos dhënien e mbëshetjes por organizatorët të cilëve u mungojnë projekte konkrete dhe interesante.
"Këtë nuk duhet ta bëjë Ministria se Ministrisë duhet ti shkosh me projekt, por organizatorët e panairit. Unë e di se e kam një eksperiencë të ngjashme. Kur ti i shkon ministrisë me një projekt, që psh, do sjell Javier Marias, Salman Rruzhdie apo Roberto Saviano e të tjerë, pra kur shkon me një projekt, kjo po. Por jo të thuash -Unë do bëj panairin, më jep ca lekë. Nuk ka sens. Në gjithë botën funksionon kështu, dhe jam e bindur që Ministria, dhe nuk po bëj avokaten e Ministrisë së Kuilturës se shumë herë nuk bie dakord me të, por po ti shkosh Ministrisë me këtë lloj projekti, jam e bindur që do të të mbështesë", thotë Dudaj.
Komente
Lajme të tjera
-
Lakra ‘bomba’ që vret sëmundjet, Altin Joka: Magjia e lakrës nëse e përdorim rregullisht/ Disa kombinime për kura specifike
20 Nëntor, 17:00 -
Mjalti, shëruesi i madh i 216 sëmundjeve, Altin Joka: Si të përdoret pa humbur vlerat / Provat e pagabueshme, si të dallojmë mjaltin pa hile
20 Nëntor, 16:33 -
Rovena Rrozhani: Një 'shaka' në Pallatin e Librit!
20 Nëntor, 11:31
-
Karnavali i nëntorit në Pallatin e Kongreseve! Festimi i librit fiktiv, si objekt spektakli dhe dekorimi ose festivali i pseudo-leximit, për ata që nuk lexojnë!
19 Nëntor, 11:35
-
‘Kujdes nga skandalet, çdo gjë shihet me lupë’, Jorgo Pulla paralajmëron… /Horoskopi javor 18-24 nëntor
18 Nëntor, 13:57 -
Panairi i 27-të i librit, ndahen çmime për vepra dhe autorë. Mungoi vlerësimi për veprat poetike e letërsinë për fëmijë
16 Nëntor, 15:32
-
Çelet Panairi Librit/ Ekspozojnë 90 shtëpi botuese, promovohen 60 libra të rinj! Botuesja Tafa: Sot në Shqipëri shkruhet letërsi e mirë, por duhen subvencione
13 Nëntor, 17:26
-
Guida Kulturore/ Nis sot Panairi i Librit 2024: Të lexosh do të thotë të jetosh, të zbulosh, të rritesh
13 Nëntor, 08:20 -
Ylli Merja prezanton 'frutin magjik' insulinë natyrale e diabetikëve/ Shenjat e hershme të diabetit dhe regjimi ushqimor
11 Nëntor, 16:28 -
Mundësi ideale në punë! Ja shenjat që përfitojnë…/Horoskopi javor 11-17 nëntor nga Jorgo Pulla
11 Nëntor, 13:12 -
Mos i neglizhoni miomat/ 'Mishi i huaj' në mitër, ja si të shpëtoni pa kirurgji me kurën nga Ylli Merja
4 Nëntor, 16:30 -
Ndryshime kolosale këtë javë/ 'Alarm shenjat e ...' Horoskopi 4-10 nëntor nga Jorgo Pulla
4 Nëntor, 13:28
Mendim shume i drejte.Panairet e librit, si qellim duhet te kene debatin ne mes krijusve,dhe kjo do te nxise edhe shitjen e librit.
Përgjigju