Deputeti socialist, Erion Braçe ka akuzuar kryedemokratin, Lulzim Basha dhe ish-kryeministrin e vendit, Sali Berisha se duan të destabilizojnë vendin, përmes organizimit të portestave. Ai ka shtuar se ata nuk kanë hallin e ndonjë shqiptari, por kanë hallin që të dështojnë Reformën në Drejtësi.

Sipas Braçes, shqiptarët duhet të shohin pasurinë që kanë Basha e Berisha, si dhe krimet, pas të cilave kërkojnë të ringrihen.

Ja mesazhi i plotë i Erion Braçes
 
“Kanë gjetur 8 dhjetorin si ditën e marshimit të tyre, për t’u ringritur për krimet e radhës, shtuar pasurinë e pamatë dhe të paligjshme që kanë.

Kush mendon se këta kanë hallin e ndonjë shqiptari, gabon. Shihini pasurinë  dhe e kuptoni. Shihini krimet dhe e kuptoni! Ju kam thënë: Këta duan të destabilizojnë vendin për të dështuar reformën në drejtësi”

Redaksia Online
(F.T/shqiptarja.com)