“Nisi lobimi ulëritës i birrës edhe këtë vit! Kam 15 vite rresht që sa herë diskutohet paketa fiskale, veç këtë ulërimë dëgjoj, shoqëruar me kërcënime banale! Gjatë gjithë vitit dëgjoj vetëm që: prodhojnë shumë, shesin shumë, madje madje njëri ndër këta, numëron dhe gotat e birrës rekord që shet veç në një festë! Po fiskalisht, po po, po fiskalisht a paguajnë kaq shumë?! Joooooo! E dini përse? Sepse fiskalisht nuk deklarojnë kurrë sasinë e prodhimit kaq shumë sa deklarojnë publikisht, pra mbi 200.000 HL çdo vit. Që ta bej më të thjeshtë: Publikisht deklarojnë që prodhojnë e shesin mbi 200.000 HL, Fiskalisht deklarojnë që janë të vegjël, nën 200.000 HL çdo vit. Për vete marrin-janë të mëdhenj, për shtetin nuk japin-janë të vegjël. Boll me këtë histori!! Bëj biznes ndershëm e paguaj atë që të takon si gjithë të tjerët!!”-përfundon Braçe.
Lëvizja Socialiste për Integrim ka shprehur dje rezervat e para të saj ndaj paketës fiskale të vitit të ardhshëm, prezantuar dy ditë më para nga qeveria. Rezerva më e madhe e tyre ishte akciza e birrës, e cila në variantin e parashikuar nga qeveria, favorizon prodhimin e huaj dhe jo kompanitë vendase të prodhimit të saj.
Deputetja e Lëvizjes Socialiste për Integrim Silva Caka është radhitur mes zërave kundër paketës së re fiskale për vitin 2016.
“Absurditet apo lapsus. Qeveria i ngre akcizën birrës vendase ndërsa birrës së importit ja ul. Efekti në buxhet duket qartë që do të jetë zero, do të kemi vetëm falimentim të fabrikave vendase dhe mbyllje të tyre dhe qindra shqiptarë që punojnë në to, do mbeten pa punë. Nuk kuptoj se si ministrat e LSI nuk i ngrenë në qeveri këto probleme kaq të qarta”, - shkruan në profilin e saj në Facebook Silva Caka.
Deputeti Përparim Spahiu ka më shumë se një rezervë për paketën fiskale. "Paketa, pa ndryshime në tatimin mbi të ardhurat personale!! Shpresoj të ketë reflektim gjatë diskutimit në komisionin e Ekonomisë. E paqartë rritja e akcizës së prodhimit vendas dhe ulja e atyre të importit! Luftë abuzimit, me të ardhura më të pakta në buxhet, pa sens. Nuk shoh "ngacmim" fiskal për të rritur investimet e reja, sidomos ato prodhuese, tatim fitimi i pa ndryshuar", -tha Spahiu.
Redaksia Online
(u.s/shqiptarja.com)
Lajme të tjera
-
Serbia intensifikon lobimin e saj në Perëndim
28 Korrik 2023, 16:56 -
Skandali i lobimit të Katarit në PE, zv. Presidentja jep dëshminë: I kërkova tim ati të merrte paratë nga shtëpia ime, nuk ishin të mijat
16 Dhjetor 2022, 21:26 -
Deputetët francezë kërkojnë komision hetimor për financimet ruse në politikë, akuzojnë partinë e Le Pen
24 Shtator 2022, 17:23 -
Dosja e SPAK, Petrit Vasili firmosi kontratat e lobimit të Metës me para të dyshimta, nuk u deklaruan në KQZ dhe ILDKP! Rrezikon të merret i pandehur
11 Korrik 2022, 16:26
-
Ato ditë kur presidenti ngjizte lobing me 700 mijë dollarë
22 Qershor 2022, 09:58
-
Gazetarja Xharra: Politikanët kanë paguar për lobimin e tkurrjes së Kosovës
8 Qershor 2020, 23:00
