Braçe: Mesazhi i 14 majit i qartë, politikat tona të synojnë produktivitetin për mirëqenien e njerëzve! Të tjerët testojnë 4 ditë punë në javë

 

Deputeti socialist Erion Braçe thotë se rezultati i zgjedhjeve të 14 majit ku PS u konfirmua forcë qeverisëse dha një mesazh të qartë që të synojnë produktivitetin e të testojnë politika që i shërbejnë mirëqenies së njerëzve.

“Më shumë se si rishpikje të vetes mendoj se duhet të ndryshojmë, mesazhi nga këto zgjedhje është i qartë. Politikat tona duhet të synojnë produktivitetin, për ta bërë qeverinë, parlamentin, administratën, shërbimet publike shumë më produktive. Të tjerët po testojnë javën 4 ditëshe të punës. Mbase ka më shumë produktivitet e ndikon në mirëqenien e njerëzve edhe nga ana mentale. Duhet të ndryshojmë në këtë aspekt.

LEXO EDHE:
Vangjeli: Edhe Rama do ta votonte Gazmend Bardhin për kryetar të PD

Për mandatin e ardhshëm, Brace thotë se qeveria duhet të ndryshojë njerëzit.

“Do preferoja ndryshim njerëzish, e përjashtoj veten nga kjo histori por pas kaq shumë mandatesh ndryshimi do të jetë boom. Nëse duam të ruajmë preferencat te njerëzit, larg populizimit dhe duke ndikuar në jetën e njerëzve. Mendoj që ka shumë gjëra për të ndryshuar në këtë vend edhe si funksione qeverisëse. E gjithë kjo reformë mund të marrë goditje të qartë nga situata e çmimeve në treg. E gjithë kjo mund të konsumohet brenda muajit nëse nuk bëjmë ekonomi konkurruese, tregje konkurruese. Halli më i madh që kam sot është inflacioni”, tha Braçe.

Lajmi kryesor:

Rritja e rrogave për qeverinë dhe deputetët, Braçe: Po bëhet revolucion, të rimodelohet administrata! Vangjeli: Nesër në parlament valëvitet flamuri i populizmit

A.M./r.k./Shqiptarja.com

TAG:
• rritja e pagave
• Erion Braçe
• kontrast
• lorenc vangjeli