Braçe: Opozita i dha fund përgjegjësisë së saj! Na duhet një president që e pranon Shqipëria, jo PD e Berishës dhe Alibeajt

 

Deputeti socialist, Erion Braçe ka reaguar për djegien e raundit të tretë për zgjedhjen e presidentit duke thënë se opozita i dha fund përgjegjësisë së saj, por Shqipërisë i duhet një president që e pranon shoqëria dhe jo PD e Berishës apo Alibeajt.

"Na duhet një president që ta pranojë Shqipëria, jo ta pranojë PD e Berishës, e Alibeajt, e Bashës, e Fatmir Mediut. Opozita i dha fund sot përgjegjësisë së saj, tre raunde ishin të sajat për të zgjedhur presidentin sa kohë duheshin më shumë vota, 84. Ne nuk i kishim. Tani përgjegjësia është e gjitha tek ne, sa kohë është tek ne duhet të bëjmë të gjithë përpjekjen të zgjedhim presidentin që do Shqipëria, që e pranon shoqëria dhe natyrisht do të jetë thelbi i unitetit të kombit", tha Braçe.

LEXO EDHE:
Takimet me diasporën, Blendi Klosi nga Korça: Fokusi tek rienergjizimi i PS! Shqipëria 2030, transformim epokal i vendit

Lajmi kryesor:

Presidenti e ri, dështon edhe raundi i tretë! PS: Në votimin e katërt do të kemi kandidat për kreun e shtetit! Alibeaj: Ne ofruam rregulla të ndershme, por Rama u tërhoq

A.M./Shqiptarja.com

TAG:
• PS
• PD
• kuvendi
• zgjedhja e presidentit te ri