POP 5

Lajmet më të lexuara të 5 minutave të fundit

Sociale

Braktiset plazhi Kune Vain në Shëngjin për shkak të ndotjes, çadrat e mbyllura! Pushuesit: Është mbushur me alga dhe leshterikë, të pastrohet

Pushuesit në plazhin e Kunes në Shëngjin po bëhet çdo vit e më të pakët. Për shkak të ndotjes së vazhdueshme dhe pushtimit nga algat dhe leshterikët, ata që zgjedhin të pushojnë në këtë vijë bregdetare numërohen me gishtat e dorës.

Plazhi i Kunes në Shëngjin, një nga perlat e bregdetit të Adriatikut po braktiset gjithnjë e më shumë nga pushuesit. Shkak i kësaj situate është ndotja e vazhdueshme që po ndodh në këtë zonë vitet e fundit. Edhe pse jemi në pikun e sezonit turistik pjesa më e madhe çadrave dhe shezlongeve janë të mbyllura ndërsa pushuesit në këtë zonë mund ti numërosh me gishtat e dorës.

Ndotja e vazhdueshme e bregdetit është shkaku i largimit të pushuesve, ndërsa kërkohet që ti jepet zgjidhje kësaj problematike.

“Është shumë problem ndotja. Ka larguar njerëzit shumë. Sidomos kjo pjesa këtu. Ndotja është e vazhdueshme. Shteti mund të marrë masa, duhet me u pastruar pak. Duhet me u marrë masa dhe me me e pastruar se s’bën se është gjynah për Zotin. Tan ky vend i bukur mos u shfrytëzuar është gjynah”, tha një pushues.

Leshterikët dhe algat, duket se kanë pushtuar të gjithë vijën bregdetare të zonës duke e bërë të pamundur plazhin në këtë zonë e cila deri 5 vite më parë ishte mjaft e frekuentuar.

“Në të kaluarën ka pasur pastërti. Derdhja e ujërave të zeza të Shëngjint është një arsye. Vjen era nga Shëngjini e deri atje matanë vjen era. Merre me mend jemi në korrik, siç e shikoni nuk ka njerëz. Kjo ndikon dhe e dëmton turizmin shumë se nuk ka pushues”, thotë një pushues tjetër.

Unë vij çdo fundjavë, edhe rrezitem edhe peshkoj. Kur ka vërshime të shiut normal që ka ndotje por këtu nuk vjen askush me e pastru. Vizitorë këtu thuajse nuk ka. Me pas kanë zonë e Kosovës besoj ishte bo shumë ma mirë, ju të Shqipërisë nuk po dini me u kujdes për këtë zonë”, shprehet një pushues tjetër.

Pjesa fundore e bregdetit të Kunës është pastruar disa herë nga Bashkia Lezhë dhe bizneset që shfrytëzojnë rërën, por ndotja vijon të jetë prezente dhe dyshohet të krijohet nga laguna e cila komunikon me detin në këtë zonë.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lala: 01/07/2023 17:47

    Gjersa ka shezlona dmth esht Duke U shfrytezuar NGA privati.ai ta pastroj. A po harrova.privatet e Kan bezdi me nxjerr lek NGA xhepi per te pastruar ambientin.

    Përgjigju
  • Smile: 01/07/2023 13:22

    Perkunder cfare eshte reklamuar ne hapjen e sezonit turistik, duket se realiteti eshte teresisht tjeter. Bashkite e bregdetit jane te papergatitur per kete sezon. Per te ardhur keq sepse pushuesit shpenzojne kursimet e tyre per te kaluar nje fundjave apo pushimet verore ne plazh. Me kete gjendje te plazheve, pushuesit shume shpejt do drejtohen plazheve jashte vendit ose turizmin malor.

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Ministri gjerman: Synimi i Putinit s’është Ukraina, por Evropa

Ministri gjerman: Synimi i Putinit s’është Ukraina, por Evropa

28 Prill, 08:17