Bregu: Për Podestën s’kam
përgjegjësi, e menaxhoi Berisha

TIRANE- Ministrja e Integrimit Klajda Gjosha gjatë raportimit të saj në Komisionin e Integrimit në Kuvend u përball me shqetësimet që ngritën anëtarët e këtij komisioni në lidhje me shoenzimet e ministrisë që ajo drejton dhe me punësimet apo shkarkimet e punonjësve. Deputeti Taulant Balla kërkoi prej ministres Gjosha bërjen e transparencës për qytetarët shqiptarë, pasi sipas tij KLSh ka hartuar një raport për veprimtarinë e kësaj Ministrie në të shkuarën. “Në raportin më të fundit të KLSH, ai i prillit të 2013 ka mjaft gjetje, të cilat duhen adresuar me urgjencë, janë afro 80 milionë lekë që Ministria e Integrimit paguan për ata që janë larguar nga puna deri në prill të vitit 2013.

Edhe me një transparencë për publikun të një fondi shumë kolosal prej 400 milionë lekësh për të lidhur kontratë me një kompani të huaj për lobim. Kjo kontratë prej 400 ml lekësh, e propozuar nga ish-ministrja,Majlinda Bregu dhe e miratuar nga Kryeministri Sali Berisha duhet të jetë pjesë e një transparence të gjerë publike, për mënyrën e harxhimit të fondeve të taksapaguesve shqiptarë", tha Balla. Në reagimin e saj, ish-ministrja e Integrimit, Bregu tha se kjo minitri nuk ka derdhur asnjë fond nga buxheti i saj në ndihmë të kësaj kompanie dhe lobimit të saj në SHBA. “Do t'ju kërkoja në vijim të asaj çfarë tha z.Balla, që të jeni e përkushtuar personalisht me stafin tuaj dhe politikisht, për të mos hedhur helm me punën e Ministrisë së Integrimit dhe as mbi dokumentet e kontrollit, të cilat kanë monitoruar punën e Ministrisë së Integrimit.

Çfarëdolloj procedure, përfshi edhe procedurat e lobimit dhe kontratat e lidhura të lobimit, të cilat janë tërësisht në përputhje me Ligjin e Prokurorimit Publik, të cilës Balla iu ferferua me "Podestën", Ministria e Integrimit ka qenë pjesë, por nuk ka derdhur lekë nga buxheti i saj, sepse procedurat janë zhvilluar më pas nga Kryeministria,por nuk ka asnjë shmangie në kontratën me Podestën", tha Bregu. Ndërkohë që një tjetër shqetësim që u ngrit nga ana e opozitës ishin pikërisht edhe largimi nga detyra të 5 zyrtarëve të lartë të akredituar pranë BE-së, ri-strukturimin e Ministrisë së Integrimit. Gjosha vuri në dukje se Ministria e Integrimit është e vetmja që ka pasur një shtesë në numër rreth 20% të stafi, nga 75 punonjës tani ka 90 duke shtuar se ndryshimi në strukturën e Ministrisë së Integrimit ka ardhur nga BE. 
 
Shkrimi u publikua sot (19.11.2013) në gazetën Shqiptarja.com (print)

Redaksia Online
(d.d/shqiptarja.com)

TAG:
• lobimi