“Ata që s’u paguajnë sigurimet sipas pagës do i trajtojmë si hajdutët e energjisë elektrike”, u shpreh kryeministri Edi Rama më 8 shtator 2024.
Kjo deklaratë e Kryeministrit Rama në asamblenë socialiste paralajmëroi një aksion të rëndësishëm kundër nëndeklarimit të pagave, por sipas ekspertëve edhe dyert e burgut nuk janë zgjidhje. Thembra e ‘Akilit’ sipas ekspertëve është vetë Administrata apo Inspektoriati i Punës që të luftojnë informalitetin.
“Administrata që do të bëjë verifikimin e pagave të nëndeklaruara është më e korruptuara në botë”, thotë eksperti Arben Meçe.
“Nuk ka nevojë për ta futur në burg, por shkon Inspektoriati dhe i mbyll biznesin, dhe nesër ai nuk mund të rrijë pa deklaruar”, pohon Kol Nikollaj nga sindikata e punonjësve.
“Nuk mund të nisësh një betejë karshi informalitetit, pa e ditur dimensionin e tij, që njerëzit të kuptojnë se kush është ai që bën evazionin, sepse mund të futen në burg njerëz padashje pasi kemi me mijëra të vetëpunësuar”, pohon eksperti Eduart Gjokutaj.
Zgjidhja që qeveria po diskuton aktualisht për të goditur nëndeklarimin e pagave, është Inteligjenca Artificiale. Përmes ngritjes së një sistemi për kryqëzimin e të dhënave dhe pagave të deklaruara nga bizneset, do të bëhen analiza risku, për bizneset që paraqesin rrezik më të lartë për evazion fiskal. Kjo strategji pritet të bëhet publike në mes të muajit tetor, ku do të detajohet bizneset që do jenë në fokus të këtij aksioni dhe jo vetëm.
“Nëse sot punën e bëjnë disa njerëz, ndërtojnë politikat disa njerëz, mbushin tabela po të njëjtët dhe pastaj orientojnë goditjen në mënyrë selektive, inteligjenca bën të njëjtën gjë por ftohtë”, thotë Meçe.
Por pse bizneset nuk deklarojnë pagat reale të punonjësve?
“Mos deklarimi i pagës është tregues i një ekonomie të dobët. Bizneset dhe që nuk pranojnë të deklarojnë 100% do të thotë që kanë probleme ekonomike. Së pari është presioni i lartë fiskal. Është e vërtet që edhe sektori privat është pjesë e evazionit, por për të eliminuar evazionin duhet së pari të analizosh që ky evazion fiskal, këto taksa që ke vendosur a janë të përballueshme apo jo”, shprehet eksperti Vjoldi Danaj.
Aktualisht janë 55% e të punësuarve në vend që nuk e arrijnë pagën mesatare, ku pjesa dërrmuese e të punësuarve paguhen minimalisht 40 mijë lekë, që është vlerë e pataksuar.
Ndërsa paga mesatare në gjashtëmujorin e parë të vitit u rrit me vetëm 89 lekë, krahasuar me 2023-shin. Mungesa e pasqyrimit të një rritje të fortë të rrogave, lidhet me informalitetin në tregun e punës, ku qindra subjekte deklarojnë në bankë pagën minimale e pjesën tjetër ua japin në dorë.
Në këtë mënyrë ulet vlera e kontributeve që paguhet për punëmarrësin, e për pasojë vetëm si rezultat i kontributeve të ulëta për shkak të nëndeklarimit të rrogave, pensionet po dalin çdo vit e më të ulëta.
Inspektorati i Punës thotë se punësimi informal këtë vit është rritur me 52% krahasuar me vjet, dhe kryesisht vihet re mos deklarimi i punonjësve.
Lajme të tjera
-
Tatimet: 9 mijë biznese rritën pagat! 37 mijë të tjera me risk për nëndeklarim, do përballen me gjoba nëse nuk i deklarojnë deri më 20 nëntor
7 Nëntor, 13:15
-
‘Aksion informalitet në të gjitha fronte’, ministri Malaj te ‘Ekonomia’: Vetëm për sigurimet bizneset kanë 234 mln euro borxh, u marrim asetet
6 Nëntor, 19:17
-
Rama në Podcast: Po hapet një korsi e re për pensionet, do e realizojmë
2 Nëntor, 10:06 -
Ekonomia në rritje, por KE lë ‘detyra’ për qeverinë: Luftoni informalitetin në paga, stop rishikimit të buxhetit me akt normativ, mbroni fondet e BE
31 Tetor, 14:04
-
Pensionet/ Rama akuza të forta prokurorisë së Tiranës: Prej vitesh prokurorët mbulojnë me trupat e tyre dosje ulëritëse të evazionit fiskal
30 Tetor, 15:02
-
Projektbuxheti/ Ulja e nëndeklarimit të pagave do të sjellë 150 mln euro shtesë në buxhet në vitin 2025!
29 Tetor, 17:50
-
Dhoma Amerikane e Tregtisë: Nëndeklarimi të luftohet me politikë të fortë, jo me aksione të përkohshme! Të ulet TVSH-ja e produkteve ushqimore
28 Tetor, 11:30
-
Fatos Çoçoli: Dënim penal për pagë të trukuar? Pensionistët humbasin 60-70 milionë euro në vit nga pagat e deklaruara më pak nga sa janë në të vërtetë
26 Tetor, 09:33
-
Strategjia 2024 – 2030 për sigurinë në punë/ Në fokus goditja e pagave në dorë! Në sitë ndërtimi, bujqësia e minierat
25 Tetor, 16:29
-
ANALIZA e shifrave mbi nëndeklarimin/ Informaliteti në paga, një pjesë në dorë e tjetrën në bankë ‘krim ekonomik’ në kurriz të punonjësve
24 Tetor, 16:47
-
Lufta kundër informalitetit, 230 mijë punonjës me pagë minimale! Rama: S'pranojmë më deklarime që s'i besojmë! Mbyllim biznesin nëse s’paguhen sigurimet
23 Tetor, 10:21 -
Mosdeklarimi i pagave, Rama: Bizneset po grabisin pensionistët! Do përballeni me masa administrative e penale
22 Tetor, 11:24
