Në takimin me homologun e tij, Ministri Bushati vlerësoi marrëdhëniet e shkëlqyera shqiptaro-kanadeze të cilat karakterizohen nga një frymë e konsoliduar miqësie, vlera që dy vendet ndajnë ndaj demokracisë, si dhe partneriteti i ngushtë në NATO.
Po ashtu ministri Bushati shprehu mirënjohjen për mbështetjen e plotë që Kanadaja ka dhënë ndër vite për integrimin euro-atlantik të Shqipërisë, asistencën ushtarake, financimin e projekteve të ndryshme në Shqipëri, ndërsa paraqitet si domosdoshmëri dinamizmi dhe konkretizimi i mëtejshëm i projekteve konkrete, nxitja e shkëmbimeve ekonomiko-tregtare, si dhe plotësimi i kuadrit të plotë ligjor. Ministri Bushati vlerësoi si tepër të rëndësishëm rritjen e prezencës se kompanive kanadeze në Shqipëri dhe evidentoi faktin që Kanadaja është investitori i parë në vend. Kjo gjë krijon nevojën për të strukturuar më tej marrëdhëniet dypalëshe nëpërmjet instrumenteve ligjorë të përditësuar në fushën e taksimit të dyfishtë dhe mbrojtjes së investimeve.
Ndërsa nga ana e tij ministri Nicholson rikonfirmoi vullnetin e përbashkët për intensifikimin e mëtejshëm të dialogut politik të nivelit të lartë mes dy vendeve tona si dhe shprehu angazhimin për forcimin e bashkëpunimit politiko-diplomatik, kryesisht përmes nxitjes së kontakteve në të gjitha nivelet e bashkëpunimit dypalësh. Të dy ministrat u angazhuan të çojnë përpara bashkëpunimin e shkëlqyer për çështjet e sigurisë, adresimin e krizave globale, luftën kundër terrorizmit dhe dhunës ekstreme si dhe shkëmbyen pikëpamje në kuadër të diskutimeve të pritshme gjatë Ministerialit të NATO-s në muajin maj.
Në takimin me Kryetarin e Dhomës së Ulët të Parlamentit Kanadez, Andreë Scheer, dhe me grupin e Miqësisë Kanada-Shqipëri, u diskutua gjerësisht mbi bashkëpunimin parlamentar si një shtyllë kryesore e bashkëpunimit dypalësh. Gjithashtu, Ministri Bushati përgëzoi Grupin e Miqësisë Kanada-Shqipëri për lobimin e tyre në favor të tërheqjes së investimeve kanadeze në drejtim të Shqipërisë në fusha të ndryshme, si dhe rritjes se informacionit për vendin tonë. Gjatë kësaj vizite, Ministri Bushati pati gjithashtu takime me personalitete të larta të Senatit dhe Dhomës së Ulët dhe përfaqësues të diasporës në Kanada.
Redaksia Online
(s.k/shqiptarja.com)
Lajme të tjera
-
Serbia intensifikon lobimin e saj në Perëndim
28 Korrik 2023, 16:56 -
Skandali i lobimit të Katarit në PE, zv. Presidentja jep dëshminë: I kërkova tim ati të merrte paratë nga shtëpia ime, nuk ishin të mijat
16 Dhjetor 2022, 21:26 -
Deputetët francezë kërkojnë komision hetimor për financimet ruse në politikë, akuzojnë partinë e Le Pen
24 Shtator 2022, 17:23 -
Dosja e SPAK, Petrit Vasili firmosi kontratat e lobimit të Metës me para të dyshimta, nuk u deklaruan në KQZ dhe ILDKP! Rrezikon të merret i pandehur
11 Korrik 2022, 16:26
-
Ato ditë kur presidenti ngjizte lobing me 700 mijë dollarë
22 Qershor 2022, 09:58
-
Gazetarja Xharra: Politikanët kanë paguar për lobimin e tkurrjes së Kosovës
8 Qershor 2020, 23:00
