POP 5

Lajmet më të lexuara të 5 minutave të fundit

Ekonomi

Buxheti 2014, nesër debate në
Kuvend, opozita kundër  

Buxheti i hartuar nga qeveria për vitin e ardhshëm është miratuar dje nen për nen në parim në Komisionin e Ekonomisë si dhe gjithë komisionet e përhershme parlamentare.
Buxheti 2014, nesër debate në<br />Kuvend, opozita kundër  
TIRANE- Buxheti i hartuar nga qeveria për vitin e ardhshëm është miratuar dje nen për nen në parim në Komisionin e Ekonomisë si dhe gjithë komisionet e përhershme parlamentare. Gjatë seancës së nesërme plenare, e cila pritet të jetë një seancë e gjatë plenare, buxheti do të diskutohet nga grupet parlamentare si dhe do të hidhet në votim, ku opozita pritet që të votojë kundër. Ndërokhë javën që vjen buxheti për 2014 pritet që të miratohet nen për nen dhe në tërësi. Dje Komisioni i Ekonomisë dhe Financave vijoi me debate në lidhje me raportimin e ministrit të Financave, Shkëlqim Cani, i cili argumentoi pikat kryesore të këtij buxheti.

Cani shpjegoi në detaje parashikimin e nivelit të borxhit për vitin e ardhshëm, planifikimin e qeverisë mbi ecurinë e borxhit për periudhën afatmesme dhe hapat që parashikohen të ndërmerren në vijim për realizimin e objektivit të uljes së borxhit në nivelin 60% të Prodhimit të Brendshëm Bruto deri në vitin 2018. Sipas Canit, në kushtet e ekonomisë të këtij viti, pas një rivlerësimi të borxhit publik, që nënkupton vlerësimin e borxhit të deklaruar dhe të padeklaruar, qeveria parashikon që gjatë vitit 2014 borxhi të shkojë në nivelin 74%.

Opozita dhe mazhoranca u përfshinë në debat lidhur me këtë çështje, pasi opozita akuzoi qeverinë se ka rritur borxhin publik. Por, ministri Cani vuri në dukje se qeveria ka marrë një borxh në masën 2 %, krahasuar me qeverinë e mëparshme që kaloi shifrën e 12.8%. Deputeti i PD-së, Sheferedin Shehu kërkoi që të rritet parashikimi për rritjen e të ardhurave, pasi sipas tij 22 miliardë lekë vijnë vetëm nga rritja e taksave. Po dje, Komisioni për Ekonominë dhe Financat mori në shqyrtim edhe raportet e komisioneve të tjera kuvendore lidhur me diskutimin në parim të projektligjit "Për buxhetin e vitit 2014".

Pas shqyrtimit të këtyre raporteve, Komisioni e miratoi në parim projektbuxhetin për vitin 2014, për të vijuar javën e ardhshme me diskutimin nen për nen të këtij projektligji dhe të projektligjeve të paketës fiskale. Ministri i Financave tha se gjatë vitit 2014 do të shkohet drejt instrumenteve sa më afatgjatë të borxhit, pasi aktualisht borxhi i Shqipërisë rezulton me risk të lartë për shak të periudhës së shkurtër të maturimit. "Pritshmëria për vitin e ardhshëm është që të gjenden instrumenteve që do të mundësojnë mbajtjen e borxhit në nivele të qëndrueshme," tha Cani. Senncën e nesërme plenare pritet që të kalojnë dhe projektligjet e tjera që kanë të bëjnë me paketën fiskale të hartuar nga Ministria e Financave.

Kërkesa e PD
Kuvendi do të hedhë në votim edhe kërkesën e depozituar nga partia demokratike në lidhje për ngritjen e Komisionit Hetimor të Kuvendit për të kontrolluar zbatimin e legjislacionit në fuqi për administrimin e bazës së të dhënave shtetërore tatimore, kërkesë kjo që pritet të rrëzohet nga mazhoranca. E djathta në opozita ka akuzar vetëm pak kohë më parë se qeveria ka ndërhyrë në serverat kryesore të Drejtorisë së Përgjithshme e Tatimeve dhe si rezultat duhet që të ndëshkohen fajtorët, ndërkohë që mazhoranca i konsideruar këto si akuza politike të opozitës, e cila po mundohet që të mbulojë manipulimet që ka bërë kur ka qenë në qeveri.
Shkrimi u publikua sot (22.12.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04