Canova-Jodice, në Muze dialogu i skulpturës në mermer me fotografinë bardhë e zi, si 'Bukuri e Përjetshme'

Thuhet se Antonio Canova, një nga skulptorët më të mëdhenj të neoklasicizmit evropian i prezantonte punët e tij përballë komisioneve në errësirë e veç me dritën e një qiriu.

Ky fakt, e të tjerë aspekte të krijimtarisë së artistit, do ta magjepsnin Mimmo Jodice-n, një nga fotografët më të mirë Evropian, sot në moshën 88-vjeçare, çka e nxiti që veprën e skulptorit ta vendosë në fokusin e aparatit të tij...

Në Muzeun Historik Kombëtar, qëndrojnë të ekspozuara deri në 28 shkurt, 52 nga këto shkrepje, si “Bukuri të përjetshme”... ku mediumi i fotografisë me skulpturën dialogojnë, njësoj si e shkuara me të tashmen, e reja me antiken...

Fotografi Mimmo Jodice, rrëfen në një dokumentar, se publiku që vihet përballë imazhit të jetësuar nga ai, ka mundësi të depërtojë në mendimet e tij, në synim e artistit për t’i përcjellë ‘si prej mishi’ këto skulptura të mermerta... të mbështjella me estetik në bardhë e zi.

Nga Afërdita, Kupidi, Heba e të tjera figura mitologjike, por edhe historike si Bonaparti, Jodice i propozon publikut këto fotografi të 17 skulpturave, të fiksuara nga kënde të ndryshme, pa dashur t’i përcjell thjesht një imazh të bukur, por vepra që flasin, thellësi mendimi e emocionesh...

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kuvendi kërkon që Greqia të heqë ligjin e luftës, si e vlerësoni?



×

Lajmi i fundit

Aeroportet në ditën më të keqe: rrezikohen pushimet e mijëra personave, çfarë po ndodh?

Aeroportet në ditën më të keqe: rrezikohen pushimet e mijëra personave, çfarë po ndodh?