POP 5

Lajmet më të lexuara të 5 minutave të fundit

Kultura

Dokumentari/ Diktatura i ndau për së gjalli, historia e rrallë e Klaudas, tha "Mama" për herë të parë 34-vjeçe: Nuk deshi fati ta gëzoja gjatë!

Shfaqet në Muzeun Historik, premiera e filmit dokumentar “Mama” me autore Luljeta Prognin. Historinë e persekutimit dhe ndarjes nga prindërit që foshnjë e rrëfen për “Report tv” vetë protagonistja.

Vuajtja e tyre nisi me ardhjen e komunistëve në pushtet, e plagët që diktatura u la u shënjuan jetët përgjithmonë...

"Ndihem e mangët në jetën time, për mënyrën sesi jam rritur pa nënë. Kjo për shkak të sistemit komunist", shprehet Kaluda Toto, protagoniste e dokumentarit.

Ende sot, në sytë e Klaudas, shihet mallëngjimi për jetën që i privuan. Teksa e takojmë pranë Muzeut Historik këtë të premte pas shfaqjes së dokumentarit “Mama” , të ‘kujto.al’,  ku autorja Luljeta Progni e regjisori Pandeli Çeço e vendosin në qendër të një historie të cilën protagonistja s’mundi ta shkruajë siç do kish dëshiruar...

"Jo vetëm unë, por ka dhe shumë të tjerë si unë që i kanë kaluar vështirësitë pa prezencën e prindërve të vet", shprehet më tej ajo.

Gjithçka zë fill në ’46-shtën kur gjyshi i saj, Niko Andon Beça, i martuar me francezen Elena, u arrestua duke u dënuar me 10 vjet burg në procesin kundër opozitës së parë... Ai u shua gjatë vuajtjes së dënimit, por përndjekja do të vijonte ndaj familjes së tij. Elena do të internohej në kampet e Tepelenës, ndërsa e bija Kristiana e dashuruar me Sulejmanin mbetet shtatzënë me Klaudan, në moshën 18-vjeçare...

"Babai im atëherë ishte student dhe mundësitë ishin të pakta, aq më tepër që ishin të huaj, nuk mund ta deklaronin shtatëzaninë time", rrëfen ajo.

Kur gjyshja e nëna e Klaudias, u riatdhesuan në Francë, komunistët nuk i lejuan të marrin me veten Klaudan foshnjë. Ajo mbetet në jetimore deri në moshën 7-vjeçare kur i ati arrin ta marrë nga shtëpia e fëmijës...

"Ato ikën por komunistët mua s'më lanë. Madje ata nuk donin të linin as nënën time, por gjyshja ime u tha që 'edhe të vdekur në arkivol, e marr e çoj në Francë'. Dhe kështu që gjithë pasojat ranë mbi mua", shton më tej.

Deri në kapërcyell të diktaturës, Klauda figurën e nënës e gjen vetëm përmes letrave që shkëmbejnë. E ëma gjatë kësaj kohe është kujdesur që në jetimore edhe më tej krahas korrispodencës, të ndihmojë me të mira materiale. Në vitin 1990, 34 vite larg, ajo takon nënën e saj, Kristianën. Një ballafaqim emocionues e i dhimbshëm...

"Isha 34-vjeç kur u takova me mamën për herë të parë fizikisht dhe më tej nuk u shkëputëm më. Mirëpo pastaj edhe ajo u sëmur me kancer. Kam shkuar disa herë për ta vizituar mamën, por nuk ishte fati ta gëzoja gjatë. Ishte një periudhë shumë e shkurtër", tregon Klauda.

6 vite më vonë ribashkimit, e ëma ndahet nga jeta. Sot, Klaudia vijon të jetojë në Tiranë, e përshkon të njëjtat rrugë me persekutorët e tyre...

"Një falje?! Nuk e di a kërkojnë falje! Ai që dhunon rrallë kërkon falje!"

SI.E./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15